Isa. 41:29 - Ebaibul

²⁹ Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 41:29 Iomraidhean Croise

Ŋikiru. 96:5

Erae ŋakujo daadaŋ ŋuna eyakatar ŋituŋa ŋacaryo, nai Ekapolon iŋes abu tosub kidiama.

Isa. 17:8

Nyikinyomete nabo ŋamuroeta kec ka ŋiticisyo ŋulu a ŋakan kec, ido nyiŋolikinete ikes ŋitorubei ŋulu apotu ikes kitiyaut, nyiŋolikinete ŋipirin ŋulu a ŋitalyo, kori ŋamuroeta ŋuna ecunyere ekinyate.

Isa. 2:8

Ileleba nakwap kec ŋitorubei a ŋakujo, ilipete ikes neni a ŋiboro a ŋulu itiyaunitae a ŋakan, ka neni a ŋiboorei a ŋulu itiyaunitae a ŋimoyo.

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Isa. 41:24

Kire jik, iraakasi iyes ŋakoŋinae ka erae ŋiticisyo kus ŋikoŋinae; ituŋanan daadaŋ ŋini eseuni akiwuap iyes erae ŋini esiilyana.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 5:13

Irworosi ikes ŋakiro nu, ikwaan ŋikadwarak ka ekuwuam, anerae emam akirot ŋina ka Akuj aneni kec, aŋun, itiyakinio neni kec daŋ ŋakiro ŋunapei irworosi ikes.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Sakar 10:2

Eminasi ŋituŋa alosenen akiŋita akiru nakujo, kori lomurok. Isilereununeete ŋice apolou a ŋakiro a ŋuna kirujatae, nai nyiyookino ŋakiro kec ka erae ŋakoŋinae. Aŋun, itwaŋaete ŋituŋa esibit ŋamesekin ŋuna eolito, eyakasi ikes locan, anerae emam ekarikon.

Ŋikat. 18:17

tolomasi ŋikilyok ŋulukan ŋulusek alosito akireb akwap, lore a Mika, tolemut etorube a akuj ŋolo etiyaunitae anasuwat, arapet ka ŋitorubei a ŋakujo, towoi esacaradoti alopuke a ere kaapei ka ŋikilyok ŋulu arae ŋamiae ŋakanikapei ŋulu ayakatar ŋiboro ŋulu ke ejie.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.