Isa. 41:27 - Ebaibul

²⁷ Ayoŋ abu ekiŋaren olimo ŋakiro ŋun neni a ŋituŋa a Sion ka abu oinak ŋituŋa a Yerusalem ekalimoron ŋakiro ŋuna ajokak.

Isa. 41:27 Iomraidhean Croise

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 41:4

Ŋae etiyae ŋun ka ŋae eturubak ŋun itiyasi? Ŋae enyaraununui ŋanyameta ŋinapei anakisyakinet? Ayoŋ Ekapolon, arae ŋolo a ekiŋaren, ayakaun ayoŋ tari apaki ŋina esidyon.

Isa. 43:10

Ebala Ekapolon, irae iyes ŋisuudae kaŋ ka ŋiketiyak kaŋ ŋulu abu ayoŋ oseu, ikotere iyes ikiyenunete ayoŋ ka ikinupete ayoŋ, ido toyenut atemar ayoŋ bon arae Akuj. Ayoŋ bon arae Akuj, mam akuj ace mam akuj ace ayai ekiŋaren, mam ace jik eyakaun ekaku.

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 46:9

totamunito ŋakiro ŋuna alunyar koloŋ sek, anerae arae ayoŋ Akuj, emam ace arae ayoŋ Akuj ka emam akuj ace ŋina ikikwaan ka ayoŋ.

Isa. 48:12

Kiirasi ŋakiro kaŋ okoe ŋiletok a Yakob, iyes Ŋisirael ŋulu abu ayoŋ onyarau, arae ayoŋ iŋes; arae ayoŋ ŋina eŋarenon ka arae ayoŋ ŋina esidyon.

Isa. 48:3

“Abu ayoŋ koloŋ sek olimo ŋakiro ŋuna aris kelunyar, abu ayoŋ olimu ŋakiro ŋun, eteyenik ikes lotuŋa. Ekaku, abu ayoŋ etiyak ŋakiro ŋun, ido apotu totakanut.

Isa. 52:7

Etya ai alokidiama ŋimoru ajokis a abunore a ekiyakia a ŋolo iserae ŋakiro ŋuna ke ekisil, ŋolo eyaunit ŋakiro ŋuna ajokak, ŋolo iserae ŋakiro ŋuna ka aiuno ebala lotuŋa a Sion, “Erae Akuj kus Erwosit.”

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.