Isa. 41:2 - Ebaibul

² “Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 41:2 Iomraidhean Croise

Akisy. 11:31

Torukosi Tera ka lokoku a Aburaam ta Lot lopapait keŋ lokoku ka Aran kaapei ka Sarai aberu ka Aburam, toloto alo Ur anakwap a ŋina a Ŋibabiloniyae tari nakwap ŋina a Kanaan. Nai ani edolunete ikes Aran, toloma nen.

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

2 Sam. 22:43

Abu ayoŋ enyadiya ikes kikokis apuwa, abu ayoŋ ecakicak ka epuda ikes ikwa ipudaere ecoto ŋolo alorotin a etaun.

2 Ŋirw. 13:7

Aŋun, aponi tomunyarae ŋasigarya a Yeowas, topuunos ŋasigarya ŋuna ameto ŋaŋolei erae ŋatomonikan ka ŋagaari ŋatomon ta ŋulu alosete a ŋakejen ŋalipyo ŋatomon, ŋul bon apotu topuunos, anerae abu erwosit ka Aram toar ikes nooi kilou.

2 Ŋakiro a ŋirwa 36:23

“Ebala erwosit Kirus ŋolo a Perisia ebe, ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai aŋuna keŋ Yerusalem nakwap a Yudaya. Tokona nai, iyes daadaŋ ŋulu irae ŋituŋa ka Akuj, apesi Yerusalem, elipi ayoŋ Akuj toruko kaapei ka iŋes.’ ”

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Isa. 40:24

Ikwaan ŋikepukak ŋul ka ŋikito ŋulu ariŋa edupakinio ikwaan ikes ka ŋikinyom ŋulu ariŋa eekinio tolomut, ani apaki ŋinapei eremoryata ikes ŋataagor kwap, eyauni Ekapolon ekuwuam neni kec, ido kitiiniya, tosodi ani ekutuni ekuwuam ŋolo ipiripiri, kiwok ikes ikwa ŋamilo.

Isa. 41:25

Abu ayoŋ eketoŋoik iyes ituŋanan ŋini alo Kuju ka adau iŋes abunore, aponi iŋes tonyaraunae a ekiro keŋ aneni elomununia akoloŋ. Ipudaari iŋes ŋikepukak ikwa erukere ibore a elepit, ipudaari iŋes ikes ikwa ipudaa ekayan ŋamoti ecoto.

Isa. 41:3

Iwuapi iŋes ikes elosi kiŋaren emam ŋace, elosi iŋes ikomae nooi esibit nyipudaete ŋakejen keŋ akwap.

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 45:1

Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Isa. 45:13

Etonyou ayoŋ Kirus akitiya ŋuna iyookino, alemari ayoŋ ŋican alorotin a daadaŋ a ŋulu itori iŋes; edukokini iŋes etaun kaŋ ka elakuni ŋituŋa kaŋ ŋulu erikoritae. Nyegyeluni ikes, kori nyeyai akaluŋuŋulut aŋuna kec.”

Isa. 46:11

Anyarauni ayoŋ ituŋanan ŋini amunyaran kiuwuaun ikwa egole alo Kide, anyarauni ayoŋ iŋes anakwap a ŋina alwanan akitiya ŋuna ayeunit ayoŋ. Adau ayoŋ alimun ŋakiro, ido eturuwori ayoŋ ikes ŋuna itiyakin; adau ayoŋ ayeun ŋun, ido etiyakini ayoŋ ŋun.

Isa. 48:15

Ayoŋ abu olimu ŋun ka ayoŋ adau anyaraun eseuna ŋol, ayau ayoŋ iŋes ka itiyae ejok anakiro a ŋuna itiyae.

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Ŋibur. 7:1

Arae Melekisedek erwosit ŋolo ke etaun a ŋolo a Salem, torae daŋ esacaradoti ŋolo ka Akuj a ŋina alokidiama nooi. Ani eboŋuni Aburaam alojiye a ŋolo elounia ŋirwosi ŋiomwon, kiryamun iŋes ka Melekisedek ŋolo abu kiterereŋ iŋes.

Akis. 16:12

Abu emalaika ŋolo a ŋikanikapei tobukok anyunyura ŋina ka Akuj anabakule keŋ naŋolol ŋina enyaritae Eupurate. Abu aŋolol kijuwa toono deu aŋuna ka akitemokin neni itorete ŋirwosi ŋulu epote alo Kide.

Akis. 7:2

Oanyuwa nabo emalaika ece ebunit alo Kide eyakar emacar ŋolo ka Akuj a ŋina eyari. Tonyara iŋes a etoil a ŋolo apolon ŋimalaikan ŋuluomwon ŋulu ainakinitae apedor akiwan akwap ka anam.