Isa. 41:18 - Ebaibul

¹⁸ Aŋaari ayoŋ ŋaŋololin toleleut anaonitei a ŋuna alokidiama ŋimoru aŋaari ayoŋ ŋilelyan toitut alokidiŋ ŋakadipaalae; eturuwori ayoŋ aloŋisat neni esipotor ŋakipi ka eturuwori ayoŋ neni sek eonit anakwap neni ileleba ŋicowae ŋulu eya ŋakipi.

Isa. 41:18 Iomraidhean Croise

Ŋikiru. 104:10

Ibu iyoŋ kiteleleiya ŋilelyan anakadipaalae, ibu kiwuak ŋayona kidiŋ ŋimukura.

Ŋikiru. 105:41

Abu Akuj toped ataaba, ido apotu ŋakipi toleleut kiŋa; toleleyasi analoŋisat lopite ŋolo elelyaa aŋolol;

Ŋikiru. 107:35

Abu kituruwo aloŋisat neni eya ŋataparin, abu kituruwo ŋalaroi ŋilelyan.

Ŋikiru. 126:4

Okoe Ekapolon, kinyakakinae isua ajokis ikwa ŋina inyakakinia akiru ŋakipi nayona ŋuna analoŋisat a ŋina alo Kwap Yudaya.

Ŋikiru. 46:4

Eyai aŋolol ŋina eyaunit alakara lotuŋa ŋulu iboiyete alotaun a ŋolo ka Akuj, anakibois a ŋina asegan a ŋina eyai Akuj ŋina epol nooi.

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 30:25

Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 33:21

Eyakaun Ekapolon nen aŋuna yok erae ŋolo ailiilon, erae nen akibois ŋina a ŋaŋololin ka ŋayona ŋuna apolok, ŋuna emam ŋatakerin itorete, ŋuna emam ŋameeli itorete;

Isa. 35:1

Elakar aloŋisat ka akwap neni eonit, elelyani aloŋisat ka eturouni; lopite ŋolo eturounio ecomocomo,

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 48:21

Apaki ŋina arikitor iŋes ikes analoŋisat, nyenyama ikes akure, abu iŋes kiteleleu aŋuna kec ŋakipi anataaba, abu iŋes kibel ataaba, ido tonaŋun ŋakipi anataaba.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Isa. 65:13

Aŋun, alimu Ekapolon Akuj ebe, “Imujete ŋiketiyak kaŋ, nai ikinyami iyes akoro; emasete ŋiketiyak kaŋ, nai ikinyami iyes akure, elelyanete ŋiketiyak kaŋ, nai ikisirumyo iyes ŋileec.

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Sakar 14:8

Akoloŋit ŋin eleleunete alo Yerusalem ŋakipi ŋuna eyaunete akiyar, eleleyarete atutubet apei nanam ŋina Atwan ka atutubet apei nanam ŋina a Mediteranian, eleleete ŋakipi ŋun akamu ka akiporo.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”

Ŋikat. 15:19

Aŋun, toŋaa Akuj akwap anakibois a ŋina ayai Lei, tolomut ŋakipi a nen, ani kedau Samuson akimat ŋakipi, tojokyar akuwan keŋ. Aŋun aponi tolimokinae nen Ecowa-Akure, eyai ecowa ŋol tari tokona.