Isa. 40:7 - Ebaibul

⁷ Einiyarete ŋinya, ido toraraun ŋatur, itiyakin ŋun apaki ŋina iyakuunia Ekapolon ekuwuam tokutak ikes; kire jik, edaunun ŋituŋa ikwa ŋinya.

Isa. 40:7 Iomraidhean Croise

Yob 14:2

Euruunio ituŋanan ibus ikoni aturot, ido toiniya ikwa aturot, ekeri akiyar a ituŋanan ikwa etolim, ido nyerubakini eyari.

Yob 4:9

Itoŋopiyari Akuj ŋikaronok a ekuwuam keŋ ka emunyari ikes anaryenyeo a ŋina ka aŋoit keŋ.

Yob 41:21

Inokakini akiyeŋa keŋ akim anatotol, elomununui arira anakituk keŋ.

Ŋikiru. 102:4

Apapanu ayoŋ, ikikwaanikin ka ŋinya ŋulu ainiyasi; adaun ayoŋ ekimue ŋolo ka akimuj.

Ŋikiru. 103:15

Ani eruwor ŋituŋa, ikwaan ŋirwa kec ka ŋulu a ŋinya; epoloete ikes atipei ikwa ŋatur ŋuna ka ariet;

Ŋikiru. 103:16

ŋuna ani ekutakini ekuwuam, toŋopiyasi, toŋopiyasi jik nyeyakaun nabo.

Ŋikiru. 90:5

Ikilemanari iyoŋ isua atipei, ikikwaan isua ka akiruja, kori ŋinya ŋulu elibak taparacu ani esoŋakini akoloŋ torinyiyosi;

Ŋikiru. 90:6

ŋisaae ŋulu ka ataparacu, elibak ikes ka etiitiyete nooi; ani ŋisaae ŋulu esoŋakinia akoloŋ, torinyiyosi ka tookiyosi.

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 37:27

alilimiyosi anagogoŋu ŋituŋa a ŋakwapin a ŋun, aruwor ikes ŋulu akadaki ka ŋulu eloun; ekwaanikinosi ikes ka ŋikito ŋulu ka ariet ekwaanikinosi ka ŋinya ŋulu alibunak, ekwaanikinosi ka ŋinya ŋulu erupunete alokidiama ŋakais, ŋulu itiiniyari akoloŋ eriŋa nyepolouno.

Isa. 40:24

Ikwaan ŋikepukak ŋul ka ŋikito ŋulu ariŋa edupakinio ikwaan ikes ka ŋikinyom ŋulu ariŋa eekinio tolomut, ani apaki ŋinapei eremoryata ikes ŋataagor kwap, eyauni Ekapolon ekuwuam neni kec, ido kitiiniya, tosodi ani ekutuni ekuwuam ŋolo ipiripiri, kiwok ikes ikwa ŋamilo.

Isa. 51:12

Arae ayoŋ ŋolo ekesirworiuni iyes; kaanukiro nai ikuryanitotor iyes aŋuna a ŋituŋa a ŋulu epedorete atwakare, a ŋituŋa a ŋulu eŋopiyarete lopite ŋolo eŋopiyareta ŋinya?

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Yak. 1:10

ka itemokino Ekristoit ŋolo ebarit elakara apaki ŋina itiditeunia Akuj iŋes. Anerae eŋopiyari ekabaran ikwa aturot ŋina ka ariet.

Yak. 1:11

Elomuni akoloŋ erirae nooi tonom ekitoe; tosodi aturot keŋ toraraun, ido toŋopia akibuses keŋ. Ikwaŋinapei, ekabaran daŋ eŋopiyari alotooma etic keŋ.