Isa. 40:5 - Ebaibul

⁵ Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 40:5 Iomraidhean Croise

1 Ŋirw. 14:11

Enyamete ŋiŋokwo ŋituŋa a Yeroboam ŋulu etwanikinete lotaun, ido enyamete ŋikyeny ŋulu eporete ŋituŋa ŋulu etwanikinete nariet; anerae adau Ekapolon alimun ŋun.’

Ŋikiru. 102:16

anerae edukokini nabo Ekapolon Sion; itoodiun Ekapolon anapolou keŋ.

Ŋikiru. 102:17

Iirari iŋes akilip a ŋulu a ŋican, ido nyejamuwari akilip kec.

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 96:6

Erae iŋes ŋolo itopolooritae ka eiliili apolou keŋ nooi; eyakasi nakibois keŋ ŋina asegan agogoŋu ka akibuses.

Ŋikiru. 97:6

Iseraete ŋimalaikan ŋuna ka akiyookino keŋ; iteete ŋituŋa daadaŋ apolou keŋ.

Awos. 16:7

iŋolikinete iyes moi taparacu ebari ŋolo ke Ekapolon, anerae eira iŋes akiŋuruŋura kus neni keŋ. Ata ŋae mono isua, iŋuruŋurasi iyes neni kosi?”

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Isa. 11:9

Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 26:15

Okoe Ekapolon itolalau iyoŋ akwap kosi, iyatak iyoŋ akwap kosi alowaetin a daadaŋ; aŋun ikitopolooritae iyoŋ.

Isa. 34:16

Kiwara ka tosyoma alokitaabo a Ekapolon ŋakiro nu: Mam ipei daŋ a ŋikyeny a ŋul ŋini emamukaun, mam ŋini nyeyakaun emam ŋiniberu ka ŋinikile. Adau Ekapolon alimun ŋun ka adau etau keŋ acunun ikes.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 40:4

Itemokino ŋakadipaalae daadaŋ kitiriyanae, itemokino ŋimoru ka ŋikamukumukui daadaŋ tobwaŋabwaŋae; itemokino nenimukur todipal iwace kitiriyanae, itemokino ŋakiboisyo ŋuna esagam kitusulutae.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Isa. 58:14

ŋun nai ilelyaniata iyes aneni a Ekapolon, ido eketopoloori ayoŋ iyes akilo ŋituŋa daadaŋ anakwap, akainakini ayoŋ iyes ŋarereŋisyo a papaa kus a Yakob. Adau Ekapolon alimun ŋakiro ŋun.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 66:16

Anatubokin a ŋina ke Ekapolon, isicani iŋes ka akim ka ekileŋ ŋituŋa daadaŋ ŋulu eryamuni esecito, elalaketa ŋulu eari Ekapolon.

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Yer. 32:27

“Topupok, arae ayoŋ Ekapolon, Akuj a ŋituŋa a daadaŋ; eyai mono ibore ekepiyori ayoŋ akitiyakin a?

Yer. 9:12

Ŋae eyakar aosou ŋina itemokino, ikotere eyenunia ŋakiro nu? Ŋae alimoki Ekapolon ŋakiro keŋ, ikotere elimoryo? Kaanukiro enyasunor akwap ka aruworor ekasile ikwa aloŋisat, ido emam ibore itorenene nen?

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Mika 4:4

Iboikin ŋinituŋanan lotolim a epiini keŋ ka a ebobore keŋ; mam ituŋanan einakini ikes akuryanu, anerae adau Ekapolon ŋolo Etiron alimun ŋun.

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Luk. 3:6

nabo eanyunete ŋituŋa daadaŋ aiuno ŋina ka Akuj!’ ”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 12:41

Alimuni Isaya ŋakiro ŋun, anerae abu kiŋolik apolou a Yesu, kisyak nai akirwor aŋuna keŋ.

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

Ŋitic. 2:17

‘Ebala Akuj, etiyakini ayoŋ nu alorwa a ŋulu esidyok; eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, eanyunete ŋikusisorok ŋatakanikineta ka irujaete ŋikasikou kus.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.