Isa. 40:31 - Ebaibul

³¹ nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Isa. 40:31 Iomraidhean Croise

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Ŋikiru. 103:5

Akainanakini iŋes ayoŋ ŋuna ajokak ŋirwa daadaŋ ŋulu ka akiyar kaŋ ikotere ayoŋ arubakini asorokana, apori ikwa eporyo egole.

Ŋikiru. 123:2

Lopite ŋolo eyarikinitotor ŋiketiyak neni ke ekapolon kec, lopite ŋolo eyarikinitor aketiyan neni ka akapolon keŋ, ikirubakini isua ikiŋoliunit neni kon, okoe Ekapolon Akuj kosi, akitodol ŋina ikisyonio iyoŋ isua.

Ŋikiru. 138:3

Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Ŋikiru. 20:9

Okoe Ekapolon, inak erwosit akiloun, toboŋokinoe isua ikinyarao iyoŋ.

Ŋikiru. 25:21

Elipi ayoŋ okoiu ajokis kaŋ ka akiyookino kaŋ, anerae ekegeno ayoŋ iyoŋ.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 25:5

Kitatamae ayoŋ ewuap ŋakiro kon ŋuna a kire, anerae irae iyoŋ Akuj kaŋ ka akaiunan kaŋ, ido ekegeno ayoŋ iyoŋ apaaran daadaŋ.

Ŋikiru. 37:34

Kikinyoma Ekapolon ka kiwuapa ŋakiro keŋ, ido ikitalakari iŋes iyes, ikiinakini akwap toruwor ŋina kus; iŋolikinete iyes emunyaryo ŋulu aronok.

Ŋikiru. 40:1

Abu ayoŋ edar Ekapolon, atitinyikinit; abu iŋes okopupok ayoŋ, ido kiira akigworo kaŋ.

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Ŋikiru. 84:8

Okoe Ekapolon Akuj ŋina a ŋajoresyo, kiira akilip kaŋ; topupokinae, okoe Akuj a Yakob.

Ŋikiru. 92:1

Ejok alakar neni ke Ekapolon, ejok aeikin ŋieosyo neni kon, okoe Akuj ŋina alokidiama nooi;

Ŋikiru. 92:13

Ikwaanikin ikes ibusak eya Kai ke Ekapolon ka ŋikito ŋulu edupitae diyete Akai a Ekapolon, ŋulu ibusak analapatui aŋuna alo Kai ka Akuj yok.

Awos. 19:4

Idaut iyes akiŋolikin ŋuna abu ayoŋ etiya neni a Ŋijipitian ka epite ŋolo abunio ayoŋ okodakunia iyes ikwa edakunia egole ŋicwi keŋ a ŋabebenuk keŋ. Abu ayoŋ okoyau iyes neni kaŋ.

Ŋakit. 30:19

Epite ŋolo eporyo egole alokidiama, epite ŋolo elosyo emun anataaba, epite ŋolo iyooror ameeli ananamio neni elosi ka epite ŋolo eminakinotor edya ka apese.

Eete a Ŋie. 8:5

Ŋae mono ŋol ŋolo ebunit analoŋisat, ŋolo etiŋit akan a ŋinaminat keŋ? Abu ayoŋ eketekyenyu iyoŋ alokwap ekitoe ŋolo enyaritae Apol. Arae nen abunio toto kon toryabakinor akidoun iyoŋ, arae nen abunio ŋina aryeba akidoun, ikidounio iyoŋ;

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 41:1

Ebala Akuj ebe; “Okoe ŋituŋa ŋulu iboiyete alodiyete anam, kililiŋa, topupokinae ayoŋ. Emaikina ŋituŋa toryamut agogoŋu kec nabo; emaikina ikes potu kiŋaren kaŋ, ido kirworo; emaikina iwon oyakaun kaapei neni etubere ŋakiro.

Isa. 64:4

Ŋinapei koloŋ mam ituŋanan eira, mam ituŋanan ayenu, mam ituŋanan eŋolik akuj ace, iyoŋ bon ikiŋolikin, Akuj ŋina itiyae aŋuna a ŋulu idarito iŋes.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Yer. 48:15

Adolu ekenyasunan Moab ka ŋitaunio keŋ ka aari ŋisorok keŋ ŋulu sek eminae nooi, Erwosit ŋolo erae ekiro keŋ Ekapolon ŋolo a ŋajoresyo iŋes alimu ŋun.

Sakar 10:12

Etogogoŋi ayoŋ ŋituŋa kaŋ; ilipete neni kaŋ ka iwuapete ŋakiro kaŋ.” Adau Ekapolon alimun ŋakiro ŋun.

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Ŋirom. 8:25

Nai ani kikigeno iwon ibore ŋini nyikite, ikidaruni iwon ibore ŋin ikititinyikinit.

2 Ŋikor. 4:1

Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit.

2 Ŋikor. 4:16

Aŋun, nyikiupi isua atitinyikinit. Tari kiyosete iwadio ŋawat kosi amunaar, nai iteteununuyo ŋitai kosi a ŋinakoloŋit.

Ŋigal. 6:9

Nyitemokino iwon ikiup akitiya ŋuna ajokak, anerae ani pa kikiesik iwon akitiya ŋuna ajokak, edoluni apaki ŋina ikiryamunia iwon akilem ŋina ajokan.

Ŋikis. 32:11

Ikwaŋina irimirimokinia egole akai keŋ epori alokidiama ŋicwi keŋ; apaki ŋina epetarya iŋes ŋabebenuk keŋ todaka ikes kidiama igaŋit ikes a ŋabebenuk keŋ.

Ŋikis. 33:25

Elipi toruworos ŋikekya ŋulu egolere ŋitaunio kec ŋulu itiyaunitae a ŋasuwa ka eburonis, ka elipi torubak agogoŋu kec ŋirwa daadaŋ ŋulu ka akiyar kec.

1 Ŋites. 1:10

nabo, irworosi epite ŋolo idaritotor iyes Lokoku keŋ bu anakuj--Yesu ŋolo abu iŋes kiteyaru alokatwak ŋolo ikiuni iwon ananyunyura a ŋina ebunit aneni ka Akuj.

Ŋibur. 12:1

Ikwaŋina nai ikiyakar iwon daŋ ŋisuudae ŋulu alalak, itemokino iwon ojala ibore daadaŋ ŋini ikitukuruworit iwon ka ojala asecit daadaŋ ŋina imiidikina neni yok, oema tokona ikiŋirikinit akerit ŋina eyai kiŋaren yok.

Ŋibur. 12:3

Totamatamata epite ŋolo abunio iŋes todaŋia amoitanut a ŋikasecak, ikotere nyikiup, ido itokadak.

Yos. 14:11

Eriŋa akuwan kaŋ egogoŋ lopite ŋolopei agogoŋio apaki ŋina ekeyakiyaritor Moses ayoŋ. Eriŋa ayoŋ ayakar agogoŋu ŋinajiet ka ŋinakitiyaet etic daadaŋ.

Akis. 12:14

Aponi inakinae aberu ŋin ŋabebenuk ŋaarei ŋuna ke egole a ŋolo apolon, ikotere topororia tolosio nakibois keŋ naloŋisat neni etemokinit Akuj aŋuna keŋ; neni iyokiyere iŋes ŋikaru ŋiuni ka atutubet nyewania epiu iŋes.

Akis. 2:3

Ititiny iyoŋ, iryamu iyoŋ ŋican aŋuna kaŋ ka nyeupa iyoŋ.

Akis. 4:7

Ekwaan esubuna ŋolo ke ekiŋaren ŋolo ayari ka eŋatuny, ŋolo a ŋiarei ekwaan ka emoŋ, ŋolo a ŋiuni ayakar ereet ŋolo ekoni ŋolo a ituŋanan ka ŋolo a ŋiomwon ekwaan ka egole ŋolo epori alokidiama.

Ŋikat. 16:28

Apaki ŋin, tonyara Samuson Ekapolon tema, “Ekapolon Akuj totamunae ayoŋ, okoe Akuj kitogogoŋoi ayoŋ apaki na bon, ikotere anakiro a ŋuna apedori akitiya tokona enyaŋi Ŋipilistin aŋuna a ŋakonyen a ŋunaarei.”