Isa. 40:3 - Ebaibul

³ Iworoe etoil a ituŋanan a ice analoŋisat ebala: “Kitemonokisi erot ŋolo ke Ekapolon analoŋisat, kisidiiryata analoŋisat erot aŋuna ka Akuj yok.

Isa. 40:3 Iomraidhean Croise

Ŋikiru. 68:4

Toeikisi neni ka Akuj, toeikisi ipurosi ekiro keŋ, kitopoloosi iŋes ŋina edokit ŋidouwon, erae ekiro keŋ Ekapolon, tolelyana alokiŋaren keŋ.

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 40:4

Itemokino ŋakadipaalae daadaŋ kitiriyanae, itemokino ŋimoru ka ŋikamukumukui daadaŋ tobwaŋabwaŋae; itemokino nenimukur todipal iwace kitiriyanae, itemokino ŋakiboisyo ŋuna esagam kitusulutae.

Isa. 43:19

Eapi ayoŋ akitiyakin ibore ŋini kitete, ageu ibore ŋin akitiyakin, eriŋa iyes nyeyenuna a? Ewuakini ayoŋ erot naloŋisat ka ewuakkini ŋaŋololin naonite.

Isa. 49:11

Esitori ayoŋ ŋirotin kidiŋ ŋimoru kaŋ daadaŋ ka ewuakini ŋirotin kaŋ ŋulu apolok.

Isa. 57:14

Iiraryo ŋituŋa ebasi, “Todukokisi, todukokisi, kitemonokisi erot, tolemasi ibore daadaŋ ŋini epedori akiretakin ŋituŋa kaŋ alorot kec.”

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Yoa. 1:23

Toboŋok Yoana ikes aŋakiro a ŋuna koloŋ kirworit ekadwaran Isaya ebala, “Ayoŋ etoil a ituŋanan a ŋini ecela analoŋisat ebala, ‘Kisidiiryata erot ŋolo ke Ekapolon!’ ”