Isa. 40:28 - Ebaibul

²⁸ Nyeyenuna iyes a? Nyiirara iyes a? Erae Ekapolon Akuj ŋina a ŋikaru ka ŋikaru, ekasuban akwap ka ŋinibore eyai nakwap. Nyilelenyenene iŋes, kori nyeupenene; mam ituŋanan epedori ayenun ŋuna eyeni iŋes.

Isa. 40:28 Iomraidhean Croise

Akisy. 21:33

Todupak Aburaam ekitoe ŋolo ikwaan ka ekwaakwaa Beeriseba, ido tonyara a nen ekiro ŋolo ke Ekapolon, Akuj ŋina a ŋikaru ka ŋikaru.

Yob 38:18

Iyeni iyoŋ alakara ŋina ka akwap a? Toboŋokinoe ayoŋ erae kiyeni iyoŋ.

Ŋikiru. 138:8

Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.

Ŋikiru. 139:6

Aosou ŋina ikoni ŋin, erae ŋina ka aumokin aneni kaŋ; epol nooi, nyapedori ayoŋ aryamun.

Ŋikiru. 145:3

Epol nooi Ekapolon, emaikina kipuroe iŋes itopolooritae nooi; emam ituŋanan epedori akisalun ayenun apolou keŋ.

Ŋikiru. 147:5

Epol nooi Ekapolon yok, epol nooi apedor keŋ; nyisalunun aosou keŋ.

Ŋikiru. 90:2

Eriŋa ŋimoru nyitiyauna, kori eriŋa ŋalup ka akwap nyetakanuna ikwapei eyakatar, irae iyoŋ Akuj ŋina a jik.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Isa. 40:21

Nyeyenuna iyes a? Nyiirara iyes a? Nyelimokina iyes ŋakiro ŋinapei anakisyakinet akwap a? Nyeyenuna iyes ŋakiro ŋinapei etiyaunere akwap a?

Isa. 42:4

Nyilelenyi iŋes, kori nyilounio iŋes akitodol ŋina eyaunia iŋes akiyookino nakwap; idarito ŋituŋa ŋulu iboiyete alodiyete anam iŋes yau akitatam keŋ.

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 59:1

Kiirasi, nyitamete atemar nyepedori Ekapolon alakun, kori nyepedori akiirar akigworo kus.

Isa. 66:9

Ebala Ekapolon, “Apedori mono ayoŋ acamakin ituŋanan topoti, ido nyidou a?” Ebala Akuj kon, “Apedori mono ayoŋ ŋina acamakinit ŋituŋa akidounun agolokin ŋakookyes kec a?”

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Mar. 16:14

Ekaku, abu Yesu totakanu neni a ŋikasyomak keŋ a ŋulutomon ka epei apaki ŋina emujata. Kisibura iŋes ikes aŋuna pa anupitotor ka aŋuna ka aniniku a ŋatameta kec, anerae nyenupa ikes ŋakiro a ŋulu kepotu toanyut iŋes eyaruni.

Mar. 9:19

Tolimok Yesu ŋituŋa tema, “Iyes ŋituŋa ŋulu emam anupit! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

Luk. 24:25

Tolimok Yesu ikes tema, “Okoe egogoŋ iyes ŋakyes! Etyono ŋitai kus akinup atipei ŋakiro daadaŋ ŋuna a ŋikadwarak.

Yoa. 14:9

Tolimok Yesu iŋes tema, “Pilipo, ikirukit iyoŋ ka ayoŋ ŋinapei, nai eriŋa iyoŋ nyeyenuna ayoŋ a? Ŋini adau aanyun ayoŋ, aanyu Papa kaŋ daŋ, kaanukiro nai ibaakar iyoŋ, ‘Kitoodikinae isua Papa?’

Yoa. 5:17

Tolimok Yesu ikes tema, “Itiyae Papa kaŋ ŋapakio daadaŋ ka etiyae ayoŋ daŋ ikwaŋinapei.”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋirom. 16:26

Nai tokona esileereun ŋakiro ŋun a Nakigireta a ŋikadwarak ka eteyenikin lotuŋa a ŋibukui a daadaŋ lopite ŋolo icikakinitor Akuj ŋina nyesaluni; ikotere tonupa ka kiwuapa daadaŋ ŋakiro ŋuna ka Akuj.

1 Ŋikor. 2:16

Igiritae Nakigireta ebe, “Ŋae ayenu ŋatameta ŋuna ke Ekapolon Akuj, ŋae epedori akitatam Akuj?” Nai ikiyakar isua ŋatameta ŋuna a Kristo.

1 Ŋikor. 6:16

Kori nyiyenete iyes atemar ituŋanan ŋini imorikinosi ka amalaat eruworosi apeikuwan ka amalaat a? Elimunito Ŋakigireta ileerete ebe, “Eruworosi ŋuluarei ŋul apeikuwan.”

1 Ŋikor. 6:19

Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

Ŋikis. 33:27

Akuj ŋinaruba iŋes erae akaiunan kus, abu iŋes tomunya anakwap ŋajorei ŋunakoloŋ, abu kirita ŋimoe kus alokiŋaren kus, ido tema, “Tomunyasi!”

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”