Isa. 40:2 - Ebaibul

² Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Isa. 40:2 Iomraidhean Croise

Akisy. 34:3

Tominak Sekem Dina nakoku a Yakob nooi, toruwor apese ŋina amina iŋes, ido isirwori a arimao.

2 Ŋakiro a ŋirwa 30:22

Kirwor Esekia neni a ŋilepi a daadaŋ ŋakiro ŋuna esimukekinak nooi, anerae etoodiunito ŋilepi ayenut kec nooi etic ŋolo ke Ekapolon. Apotu ŋilepi kimuja ŋirwa ŋikanikaarei ŋinerin a ŋibaren ŋulu ainakinitae ikes, inanakis ŋainakineta ŋuna ke ekisil ka kipuro Ekapolon Akuj atapapaa kec eosi.

Ŋikiru. 32:1

Erereŋ ŋulu adau Akuj akisyon aŋuna ka aronis kec, ŋulu ekisar ŋasecisya kec.

Ŋikiru. 85:3

Idau iyoŋ ajoŋore anyunyura neni a ŋituŋa kon; ijoŋo iyoŋ aŋoikinit ŋituŋa kon a adedeŋu.

Awos. 22:3

Nai ani kitiyakina ŋakiro ŋun kedau akoloŋ alomun, emaikina ituŋanan ŋini aari ekokolan totac iŋes. “Emaikina kire jik ekokolan totac ibore ŋini ekokoiyarit, nai ani kemam ibore etacia, emaikina togyelarae iŋes kisitiyae ŋisiliŋa ŋulu agyelarere iŋes atacia ibore ŋini ekokoiyarit iŋes.

Ekal. 3:4

eyai apaki ŋina igworore ka eyai apaki ŋina ekyenare; eyai apaki ŋina ka akiyaloloŋ ka eyai apaki ŋina idoŋaere;

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 14:3

Apaki ŋina ikisieŋunia Ekapolon iyes anaryebo alocan ka alotic a ŋolo agogoŋon a ŋolo ikitiyakinitae iyes,

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 53:5

Nai aponi iŋes towanawanae aŋuna abilere iwon ŋikisila, aponi iŋes toarae aŋuna a ŋasecisya yok; aponi iŋes kisicanae aŋuna yok, aŋuna aŋajemei keŋ, adaun akitaŋaleun iwon.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Isa. 54:15

Ani kikitijik iyoŋ ituŋanan idio, toyeni iyoŋ atemar meere ayoŋ eyakuunit iŋes ituŋanan daadaŋ ŋini elosikini akitijikin iyoŋ, ebuni bon akimorikin ka iyoŋ.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 6:7

Abu esubuna ŋol totap a aridet akituk kaŋ tema, “Ikwapei atapya aridet na ŋipon kon, nyeriŋa iyoŋ iyakar ekaile ka ikimookun iyoŋ anasecit kon.”

Isa. 61:7

Akilo ŋileec ŋulu apotu ŋituŋa kaŋ toryamut, eryamunete ŋituŋa kaŋ ebari ŋolo alalan akilo; akiyaloloŋ ŋina apotu ŋituŋa kaŋ toryamut, eryamunete alelyanu anibore a ŋini eryamunete, eryamunete ibore ŋini alalan anakwap ka eruwor alelyanu ŋina a ŋikaru ka ŋikaru ŋina kec.

Isa. 66:13

Ikwaŋina imaimaya toto ikoku keŋ, ayoŋ daŋ ekemaimai iyes, ekemaimai ayoŋ iyes alo Yerusalem.”

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 29:11

Kire jik, ayeni ayoŋ ŋakiro ŋuna ayeunit aŋuna kus, ŋayeuniata ŋuna ka ajokis kus, meere ŋuna ka akiwan iyes, akainakini ayoŋ iyes akigeno ŋina ka akiyar a ŋina arwanu.

Yer. 51:10

Adau Ekapolon akisyon iwon; potu olimosi alo Sion ŋiticisyo ŋulu etiya Ekapolon Akuj yok.

Aum. 4:22

Okoe ŋituŋa a Sion adaun akisican iyes aŋuna ka asecit kus; nyerubakini Ekapolon ikimyekinit iyes iyakasi nakwapin. Nai okoe iyes ŋituŋa ke Edom ikisicani iyes Ekapolon aŋuna a asecit kus, isileereuni Ekapolon ŋasecisya kus.

Esek. 16:42

Ekaku a ŋun, etiditeuni ayoŋ anyunyura kaŋ aneni kon ka alemari alilikinit kaŋ iyoŋ, inapakin ŋatameta kaŋ edaun aŋoit aneni kaŋ.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 12:4

Nai, iyoŋ Daniel, kimunon ŋakiro ka kimyek ekitaabo egolokino jik tari akoloŋit ŋina esalunia akwap. Irimokinete ŋikalalak iwarito ayenun ŋakiro ka iyatakin akitiya ŋuna aronok.”

Dan. 12:9

Abu iŋes tema, “Tolot a ne Daniel, anerae emaikina ŋakiro nu kidoŋo erae ŋuna imunono ka togolitetei jik tari akoloŋit ŋina esalunia akwap.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Osea 2:14

Aŋun, amodiuni ayoŋ iŋes oya naloŋisat, erwor neni keŋ a arimao a ŋina apolon.

Osea 2:16

Alimu Ekapolon atemar, akoloŋit ŋin, ikinyarae iyoŋ ayoŋ, “Ekile kaŋ”, nyeriŋa nabo iyoŋ ikinyarae ayoŋ, “Baal kaŋ.”

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Sepan. 3:15

Emyek Ekapolon akisican iyes, erita iŋes ŋimoe kus. Irukito iyes ke Ekapolon erwosit a Ŋisirael; aŋun, tojoŋoto akuryanu.

Sakar 1:13

Aŋun, abu Ekapolon kirwor neni ke emalaika a ŋolo ikirworo ka ayoŋ ŋakiro ŋuna etalakarak ka ŋuna esirworiunak.

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Sakar 9:12

Toboŋutu iyes ŋulu iyakatar akigeno, iyes ŋulu sek ikirikoritae nakwapin toboŋutu nakibois kus ŋina eyai aiuno. Akalimokini ayoŋ iyes tokona atemar, ekenyakakini ayoŋ iyes ŋinibore ŋarwa ŋaarei adepar ŋini sek.

Ŋitic. 1:7

Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.