Isa. 40:15 - Ebaibul

¹⁵ Aneni ke Ekapolon, ikote ŋakwapin akilimasit a akiru apei; iteo ikes ikwaan ka apuwa ŋina nyinuwari akilo; kiirasi, ikwaan aneni keŋ ŋiculeta ka apuwa.

Isa. 40:15 Iomraidhean Croise

Akisy. 10:5

Lopapae a Yapes ŋul akorarotor ŋituŋa ŋulu eboiyete alodiyete ŋanamyo nakwapin. Totyakaros ŋulutuŋa irworosi aŋajep apei ka erae ateker apei ka a ŋakwapin kec.

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 17:13

Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Isa. 2:22

Tojoŋoto akikinyomit ituŋanan, ekieŋanu bon eraakar iŋes ituŋanan. Nyo ejok aneni keŋ ŋini emaikina kikinyomere iŋes?

Isa. 29:5

Nai ielaryo ŋimoe kus ŋulu alalak, kielar ikwa apuwa, ielaryo ŋiryenyaanotin lopite ŋolo ielarotor ŋamilo alokuwuam. Atipei anapaki a ŋina euruwuana,

Isa. 40:22

Erae ŋolo iboi alokicoloŋ keŋ a ŋolo eyai kidiama akwap ka kidiama ariwo iŋes asubuni akwap. Ite iŋes alokidiama ŋituŋa esibito ŋabeerei; iŋes abu topeta kidiama ikwa anaŋga, topeta iŋes lopite ŋolo igurorere eema, ikotere iboikinoi tooma.

Isa. 41:5

Eŋolikis ŋituŋa ŋulu iboiyete alodiyete anam ŋakiro ŋun ka akuryaketa ikes, amaranikis ŋituŋa ŋulu eya nakisaleta a akwap; acunun ikes ka apotu kiŋaren.

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Dan. 11:18

Ekaku itijikini iŋes ŋakwapin ŋuna alodiyete anam ka ikamari ŋakwapin ŋun ŋuna alalak. Nai ebuni ekarikon a ajore epei alemar akituro keŋ, kire jik, eboŋokini iŋes akituro keŋ pei.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.