Isa. 40:11 - Ebaibul

¹¹ Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 40:11 Iomraidhean Croise

Akisy. 33:13

Tolimok Yakob Esau tema, “Eyeni Ekapolon kaŋ atemar edisyak ŋidwe kaŋ ka itanakete ŋakinei ka ŋaatuk ŋuna amyat ayoŋ, ido ani karubak ayoŋ amyat ikes apaaran daadaŋ, etwakete ŋakinei daadaŋ.

Akisy. 49:24

Nai erubakini akau a ŋikaleŋeleŋe keŋ iketakina, isimukekinio ŋakan keŋ ajiore anapedor a ŋolo Etiron a ŋolo a Yakob; ka alokiro a Ekeyokon a ŋolo erae aupal a Ŋisirael,

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 27:10

Tari daŋ kakaŋero ayoŋ papa kaŋ ka toto kaŋ, ekeuryari ayoŋ Ekapolon.

Ŋikiru. 28:9

Okoe Ekapolon, toiu ŋituŋa kon, kiterereŋ ŋituŋa kon; toruwor ekeyokon kec ka kiric ikes ŋikaru ka ŋikaru.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋikiru. 80:1

Okoe Ekeyokon a Ŋisirael, kiirarae isua; ekarikon ŋolo iyoki ŋiletok a Yosepu ikwa iyokiyere ŋamesekin. Iyoŋ ŋolo iboi alokicoloŋ kon alokidiama ŋisubuna ŋulu a ŋabebenuk,

Isa. 42:3

nyebili iŋes ateteleit ŋina sek ekudokina, nyituduŋe iŋes ausi ŋina sek enyipinyipi; eyauni iŋes akiyookino anakikinyoma.

Isa. 63:11

Apotu nai ikes totamut ŋirwa ŋulu koloŋ, ŋirwa ŋulu a Moses a eketiyan a Akuj. Ai eyai ŋolo abu kitipeunio ikes ananam kaapei ka ŋikeyokok a ŋamesekin keŋ? Ai eyai ŋolo abu kiwuak etau keŋ ŋolo asegan tooma kec,

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 31:8

Kiirasi, alosi ayoŋ ayaun ikes anakwap a ŋina alo Kuju ocun ikes alowaetin a akwap a ŋulu alwanak. Epote ikes kaapei ka ŋimudukanotin ka ŋikaŋwalak, kaapei ka ŋaberu ŋuna epotiyete ka ŋuna eryebasi aŋuna ka akidoun, eboŋunete ikes erae ŋituŋa ŋulu alalak.

Esek. 34:15

Ayoŋ elope aruwor ekeyokon a ŋamesekin kaŋ, emyekini ayoŋ ikes touryanikin.

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Esek. 34:2

“Lokoku a ituŋanan, todwar itoroniyarit ŋikeyokok a Isirael; todwar, tolimok ikes atemar alimu Ekapolon Akuj ŋakiro nu ebe, ‘Ekaŋ iyes ŋikeyokok a Isirael! Iyes ŋulu itanete ŋawat kus bon!’ Nyemaikina mono kitana ŋikeyokok ŋamesekin a?

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Esek. 34:31

Iraakasi iyes ŋamesekin kaŋ, ŋamesekin ŋuna eyoki ayoŋ ka arae ayoŋ Akuj Kus.”

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sakar 11:7

Aŋun, apotu ŋimucurus a ŋamesekin a ŋuna erae toŋolae okolimokis ayoŋ acok ŋamesekin kec, ido abu ayoŋ oruwor ekeyokon a ŋamesekin a ŋun. Abu ayoŋ olemu ŋibelae ŋiarei, onyara ekiro ke epei ebe, “Ajokis” ka ŋoloce ebe, “Akimorikina,” Abu ayoŋ eyok ŋamesekin ŋun.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

1 Pet. 5:4

Ani nai etakanuni Ekeyokon ŋolo Apolon, iryamunete iyes ebokot ŋolo ka apolou a ŋina nyedaun akibuses keŋ.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”