Isa. 4:5 - Ebaibul

⁵ Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Isa. 4:5 Iomraidhean Croise

Neem. 9:12

Ibu daŋ iyoŋ kiŋarenik ikes naparan isibit adis ka nakwaare isibit arira, itoodikinit ikes neni kitoro.

Ŋikiru. 105:39

Abu Akuj kiŋarenik ŋituŋa keŋ esibit edou naparan, ido abu kiŋarenik ikes esibit arira a akim nakwaare.

Ŋikiru. 111:1

Kipuroe Ekapolon! Alakar ayoŋ neni ke Ekapolon a etau kaŋ a daadaŋ, anatukot a ŋulu iyookino ka aneni ilipyata ŋituŋa.

Ŋikiru. 78:14

Abu Akuj kiten ikes imukit ka adis naparan ka kiten ikes akuwar kya ka arira a akim.

Ŋikiru. 85:9

Kire, etenit Akuj aiun ŋulu itopoloorito iŋes, ikotere erubakini apolou keŋ eyai nakwap yok.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Awos. 14:24

Ani eapuuni akiwalar, toripiu Ekapolon kwap anadis ka anarira, kiŋolik ŋasigarya a Ŋijipitian, kisibiler ikes.

Awos. 24:16

Min apolou ŋina ka Akuj toburusiya emoru Sinai. Toburusiya edou emoru ŋirwa ŋikanikapei, ani epete ŋirwa ŋikanikaarei, tonyara alotooma edou Ekapolon Moses.

Awos. 26:1

“Emaikina iyoŋ kitiyau Eema ŋolo iryamununoi a ŋanaŋgae a ŋatomon a ŋuna itiyatae ejok, a ŋuna amilimilak, a ŋunapusiyek, a ŋuna kipura-areŋak ka a ŋuna areŋak. Inak ituŋanan ŋini eyeni akiciere, kiciek Ŋisubuna loeema ŋol.

Awos. 26:7

“Kitiyau ŋanaŋgae ŋatomon ka apei anajul a ŋamee, topetak kidiama Eema ŋolo iryamununoi.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 33:20

Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Isa. 37:35

Euryari ayoŋ etaun lo oiu, aŋuna kaŋ a elope ka aŋuna a Daudi a eketiyan kaŋ.”

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 60:1

Okoe ŋituŋa a Yerusalem, tonyoutu, kileereutu, anerae adolu ekaiunan kus ka abu neni kus apolou ŋina a Ekapolon.

Isa. 60:2

Epetakin akirwonut akwap daadaŋ, erapuwari akirwonut ŋituŋa daadaŋ, nai ebuni Ekapolon neni kus, etakanuni apolou keŋ neni kus.

Mat. 18:20

Anerae neni ecunakin ŋiarei kori ŋiuni alokiro kaŋ, ayakaun ayoŋ kidiŋ kec.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”