Isa. 4:2 - Ebaibul

² Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 4:2 Iomraidhean Croise

Ŋikiru. 67:6

Akoko ŋikinyom ka akwap eyatakin; Akuj ŋina erae Akuj yok iŋes ikiterereŋ iwon.

Ŋikiru. 72:16

Elipi tolalata nooi ŋikinyom anakwap keŋ, elipi kigoonoto ŋaraito alokamukumukui elipi kikokis ŋaraito ka akwap keŋ ŋuna ka akwap a Lebanon; elipi tolalata ŋituŋa alotaunio ka akwap keŋ, lopite ŋolo elalaata ŋinya anariet

Awos. 28:2

Kitiyau ŋilowi ŋulu ka apolou ka akibuses ŋulu enapi lokaato kon Aron.

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Isa. 53:2

Abu iŋes topolou alokiŋaren Ekapolon esibit ekitoe ŋolo alomunan ka esibit akipuriteunet ŋina erupunit anakwap a ŋina eonit; amam epite ŋolokitamet iŋes, kori akibuses ŋina ikiinakini iwon akitere iŋes, amam ibore alotakane keŋ ŋini epedori ainakin iwon akiitan iŋes.

Isa. 60:15

Tari sek kikiŋeritoe ka kikimanitae iyes ka kemam ituŋanan etorununui nakwap kus; eketuruwori ayoŋ iyes ŋulu ailiilok ŋikaru ka ŋikaru; alelyanu ŋina ka anyamet ka apei tari ŋinace.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 33:15

Alorwa a ŋul ka anapaki a ŋin, etolomuni ayoŋ ateni ŋina iyookino aloletok a Daudi, itiyae iŋes anakwap ŋuna ecamunitae ka ŋuna iyookino.

Yer. 44:14

ikotere emamukaunor ipei daŋ a Ŋiyudayan a ŋulu apotu toloto akiboi Ijipit ŋini ebucar, kori eiun, kori eboŋori nakwap a Yudaya. Tari kimuit ikes aboŋor Yudaya, nyeboŋorete ikes jik, alemar ŋikerimitok ŋidi bon.’ ”

Yer. 44:28

Ani ŋulu epuunosi alokileŋ eboŋorete anakwap a Ijipit Yudaya, erae ŋidikudyo, tosodi nai eyenunete ŋipiya a Ŋiyudayan ŋulu apotu toloto akiboi alo Ijipit ŋakiro ŋun atemar ŋakiro a ŋae eyookin aŋuna kec, kori aŋuna kaŋ.

Esek. 34:29

Ainakini ayoŋ ikes akwap ŋina eyenitae aŋuna a ŋaraito keŋ, mam nabo nyielari eron ikes anakwap kec, kori nyidaŋidaŋete nabo jik ikes araakau ŋulu ejamuwaritae anakwapin.

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Esek. 7:16

Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Obad. 1:17

“Nai eyakaun ŋulu esiyete anatyokisyo a ŋun lomukura ŋolo a Sion, ido eruwor nen neni eseg; eryamunete ŋituŋa a ekal a Yakob ŋiboro a ŋulu apotu sek ŋimoe kec todemasi ikes.

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.

Sakar 6:12

Tolimok iŋes atemar, ebala Ekapolon ŋolo Etiron ebe, ‘Ekile ŋolo enyaritae Ateni iŋes lo, epetari iŋes anakibois keŋ, ikwa ateni ŋina ke ekitoe, ido edukokini iŋes Akai ŋina ke Ekapolon.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Mat. 24:22

Nai etuuruwuan Akuj ŋirwa ŋul. Kerae nyituuruwuanit, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Pet. 1:16

Ŋina ikiteyenunere isua iyes ŋuna ka apedor ka abunore ŋina ke Ekapolon yok Yesu Kristo, pa ikilimonokinio isua iyes ŋiemuto ŋulu tamuna ŋulu nyiyookino. Ikianyuwarit isua apolou keŋ a ŋakonyen kosi a ŋilopeyek.