Isa. 39:8 - Ebaibul

⁸ Tolimok nai Esekia Isaya tema, “Ejok akirot a Ekapolon ŋina ilimu iyoŋ.” Atamatamae Esekia ikona, “Abe ejok bo erae ca keyakaun ekisil, akinapakina alorwa a ŋulu ayarya ayoŋ.”

Isa. 39:8 Iomraidhean Croise

2 Sam. 15:26

Nai ani ketema Ekapolon, ‘Nyakarimanikinit ayoŋ iyoŋ,’ ayoŋ lo kimyekisi iŋes kitiya neni kaŋ ŋuna ebala iŋes ejokak aŋuna kaŋ.”

2 Ŋakiro a ŋirwa 32:26

Abu nai Esekia toki alotau ŋuna sek abu iŋes tojamuwa, tokiwa ŋituŋa a Yerusalem daŋ ŋun; aŋun, abu anyunyura ŋina ke Ekapolon nyebu neni kec alorwa a ŋulu araakar Esekia erwosit.

2 Ŋakiro a ŋirwa 34:28

Aŋun, akacunakini ayoŋ iyoŋ ka atapapaa kon, ikinukio iyoŋ ejok emam ŋace. Nyiŋolikini iyoŋ akisicanio daadaŋ ŋina alosi ayoŋ ayaun nakwap na ka lotuŋa keŋ.’” Apotu nai ŋituŋa ŋulu eyakitae ŋul yaasi ŋakiro ŋun neni ke erwosit.

Yob 1:21

Tema, “Ekedounio ayoŋ anakwap a na pa anapit idiobore ka aŋopiyari anakwap a na pa anapit idiobore, abu Ekapolon okoinak, ido enyaka Ekapolon; kipuroe ekiro ke Ekapolon.”

Ŋikiru. 39:9

Eliliŋi ayoŋ; mam ŋakiro alimuni, anerae iyoŋ idau akiteryamun ayoŋ ŋican ŋul.

Aum. 3:22

Nyedaun amina ke Ekapolon ŋina nyiryaŋiryaŋa, nyedaun akisyon keŋ;

Aum. 3:39

Kaanukiro ikiŋuruŋurar iwon, iwon ŋituŋa apaki ŋina ikisicanere aŋuna ka asecit yok?

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

Sakar 8:19

“Emaikina akiredanakin akiron ŋina iredanakinere aroneenen elap ŋolo a ŋiomwon, ŋolo a ŋikan, ŋolo a ŋikanikaarei ka ŋolo a ŋitomon, toruwor ŋasuban ŋuna ka alelyanu ka alakara aneni a ŋituŋa a Yudaya. Aŋun, emaikina iyes tominakis ŋuna a kire ka ekisil.”

1 Pet. 5:6

Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.

1 Sam. 3:18

Aŋun, abu Samuel tolimok Eli ŋakiro daadaŋ, mam ŋuna abu iŋes kimunon Eli. Tema nai Eli, “Erae iŋes Ekapolon, kimyek iŋes kitiya ŋuna ejokak aneni keŋ.”