Isa. 38:5 - Ebaibul

⁵ “Tolot tolimok Esekia atemar alimu Ekapolon Akuj a papaa kon a Daudi ebe, ‘Adau ayoŋ akiirar akigworo kon ka eŋolik ŋakiyo kon eyatakini ayoŋ nakiyar kon ŋikaru ŋice ŋitomon ka ŋikan.

Isa. 38:5 Iomraidhean Croise

1 Ŋirw. 15:4

Kikote neni daŋ aŋuna a Daudi, abu Ekapolon Akuj keŋ kiturubak ŋituŋa a Daudi eyakasi Yerusalem aŋuna abunio kilunyokinia lokoku keŋ kipuka ka aŋuna abunio kituruworya Yerusalem akibois ŋina emam ituŋanan ereuni.

1 Ŋirw. 8:25

Aŋun nai, okoe Ekapolon Akuj a Ŋisirael, kisiyook aŋuna a eketiyan kon a Daudi a papa kaŋ ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

2 Ŋirw. 18:13

Alokaru a ŋolo a ŋitomon ka ŋiomwon ipukat Esekia, abu Senakerib erwosit ka Asiriya torem ŋitaunio alo Yudaya daadaŋ ŋulu adukuk ejok, kikama.

2 Ŋirw. 18:2

Arae ŋikaru keŋ ŋatomoniarei ka ŋikan apaki ŋina esyakinia akipuka Yudaya. Kipuka iŋes Yudaya alo Yerusalem ŋikaru ŋatomoniarei ka ŋikanikaomwon. Arae ekiro a toto keŋ Abi nakoku a Sakariya.

2 Ŋirw. 19:20

Tosodi nai Isaya lokoku ka Amos kiyakiya akirot neni ke Esekia tema, “Ebala Ekapolon ŋolo erae Akuj a Ŋisirael ebe: Adau ayoŋ akiirar akilip ŋina ilip iyoŋ neni keŋ aŋuna a Senakerib a erwosit ka Asiriya

2 Ŋakiro a ŋirwa 34:3

Ani edolete ŋikaru ŋulu epukator iŋes ŋikanikauni eriŋa iŋes erae edya, abu iŋes kisyak ayenun ŋuna ka Akuj a papaa keŋ a Daudi. Ani edolete ŋikaru keŋ ŋitomon ka ŋiarei, abu iŋes kisyak amunaanar alo Yudaya ka alo Yerusalem ŋakiboisyo ŋunamukur ŋuna elipere neni a ŋakujo, tomunaana tari ŋitorubei a ŋakujo ŋuluce daadaŋ.

Yob 14:5

Aŋuna etubunitere ŋirwa ŋulu a akiyar a ituŋanan ka aŋuna iyenia iyoŋ ŋilapyo ŋulu ka akiyar a ituŋanan ka aŋuna iwuakinia iyoŋ neni isalakini ituŋanan,

Ŋikiru. 116:15

Epipil nooi aneni ke Ekapolon atwanare ipei a ŋiseuna keŋ.

Ŋikiru. 147:3

Isimukekini ŋulu amamukaun amukeo alotai kec, imaduni ŋulu ewanan.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Ŋikiru. 56:8

Iyeni iyoŋ epite ŋolo ekelolikinitere ayoŋ; iyeni iyoŋ etyae ŋolo a ŋakiyo kaŋ, emam mono ikes alokitaabo kon a?

Ŋikiru. 6:9

Adau Ekapolon akiirar adyekitoi kaŋ aŋuna ka akisyon ayoŋ; adau Ekapolon aboŋokin akilip kaŋ.

Ekal. 3:3

eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

Isa. 37:21

Abu nai Isaya lokoku ka Amos kiyakiya akirot neni a Esekia tema, “Alimu Ekapolon Akuj a Ŋisirael atemar aŋuna ilipya iyoŋ neni kaŋ aŋuna a Senakerib, a erwosit ka Asiriya,

Isa. 38:4

Abu nai Ekapolon kirwor neni ka Isaya tema,

Aum. 3:56

ibu iyoŋ kiira adyekitoi kaŋ ŋina abaakar, ‘Nyiwou akiirar ŋakiro kaŋ ŋuna ekegworonokinio iyoŋ ikiŋarak ayoŋ.’

Mat. 22:32

‘Arae ayoŋ Akuj ŋina ka Aburaam, ka Isaka, ta ŋina a Yakobo’ a? Meere iŋes Akuj a ŋikatwak, nai Akuj a ŋulu eyarete.”

Luk. 1:13

Nai tolimok emalaika iŋes tema, “Nyikuryaniar Sakariya, anerae eira Akuj akonikilip, idouni akoniberu Elisabet ikoku ŋini sapat, ilimokini iyoŋ ekeekiro Yoana.

Ŋitic. 27:24

tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

2 Ŋikor. 7:6

Nai, abu Akuj ŋina emaimaan ŋulu esiliyorito ikitogogoŋ isua apaki ŋina adolunio Tito.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”