Isa. 38:14 - Ebaibul

¹⁴ “Eoroonor ayoŋ aditiyar etoil kaŋ ka apalagag egworo ayoŋ lopite ŋolo erwor akuri. Aup ŋakonyen kaŋ akireorit kidiama. Okoe Ekapolon, ekesicanitae ayoŋ, toruwor ekeuryaran kaŋ.

Isa. 38:14 Iomraidhean Croise

Yob 17:3

“Okoe Akuj, toruwor ekalakunan ayoŋ anakitac ibore idio ŋini alakunor ayoŋ; ŋae ituŋanan ice epedori akitac ibore idio aŋuna ka alakun ayoŋ?

Yob 30:29

Aruwor ayoŋ lokaato a ŋikweei ka erukitos a ŋikaleeso.

Ŋikiru. 119:82

Akaup ayoŋ akidarit akiikinet kon, eŋita ayoŋ ebe, “Ori mono ikiŋarakinia iyoŋ ayoŋ?”

Ŋikiru. 143:7

Okoe Ekapolon, toboŋokinoe ayoŋ atipei; apapanu ayoŋ. Nyiwua ereet kon aneni kaŋ, ani kiwua iyoŋ ereet kon, ayakaun ayoŋ nakibois a ŋulu adaut atwakare.

Ŋikiru. 55:2

Kiirarae ayoŋ, ido itoboŋok ayoŋ. Ayai ayoŋ locan ŋulu apipilak nooi, ido ekesyaasi ayoŋ ŋatameta,

Ŋikiru. 69:3

Apapanu ayoŋ anakigworo eŋita akiŋarakinio, aono edokole kaŋ. Amuumu ŋakonyen kaŋ edarit akiŋarakino aneni ka Akuj kaŋ.

Isa. 59:11

Ipopolao isua daadaŋ ikwa ŋityaŋ ŋulu adedeŋak, igworoe isua nooi ikwa ŋakuryo. Iitanitae isua akiyookino, nai nyeryamuna, iitanitae isua aiuno, nai elwana aiuno aneni kosi.

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Esek. 7:16

Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Naum 2:7

Apotu ŋikaremok kikamasi arwosit ŋina a etaun, torikosi; Kialoloŋo ŋaketiyak a arwosit a ŋin, kigworo iworoete lopite ŋolo erwotor ŋakuryo, toramete ŋatorobwo kec iyaloloŋete.

Naum 2:8

Kipumunos ŋituŋa alotaun Ninepe esibit ŋakipi ka anam ŋuna sek egolitoe. Tocelu etoil ebala “Towua! Towua!” Nai mam ituŋanan abu toboŋu.

Ŋibur. 7:22

Alotooma ŋakiro ŋuna egelegelya ŋun, ikiinak Yesu iwon ŋuna itoodiunito atemar erae na Acamunet ŋina ejok adepar.