Isa. 38:13 - Ebaibul

¹³ Egworo ayoŋ eŋita akiŋarakino akitodol ŋina iwalarya akwap, abilibiliya Ekapolon ŋakoyo kaŋ lopite ŋolo ebilibiliya eŋatuny ŋakoyo; isiyosi Ekapolon akitasalun akiyar kaŋ jwi jwi.

Isa. 38:13 Iomraidhean Croise

1 Ŋirw. 20:36

Tema iŋes neni keŋ, “Aŋuna iwounia iyoŋ akiirar etoil ke Ekapolon, apaki ŋina etyakare iwon, ikiari iyoŋ eŋatuny.” Ani kire etyakasi ikes, kiryamunos ekile ŋol ke eŋatuny, toar eŋatuny iŋes.

Yob 7:6

Elunyanarosi ŋirwa a akiyar kaŋ atipei akilo tari akicuta a ŋamotokae alorukude, ido edaunun ŋinakoloŋit emam akigeno ayakar ayoŋ.

Ŋikiru. 32:4

anerae apaaran ka akuwar ibu iyoŋ itotiŋ ayoŋ neni aronon nooi; abu agogoŋ kaŋ todaun, lopite ŋolo itadaunia amwanis ŋina ka akamu apalalu anibore.

Ŋikiru. 39:10

Tolema akisicanet kon aneni kaŋ; eketapapanu ayoŋ akisicanet kon.”

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋikiru. 51:8

Kimyekinae ayoŋ oryamu alelyanu ka alakara; tari daŋ kikisicanit iyoŋ ayoŋ nooi kapapanunit, aryamuni ayoŋ alakara nabo.

Ŋikiru. 7:2

anerae epedorete ikes anyilinyiliyar ayoŋ lopite ŋolo enyilinyiliyarya eŋatuny etyaŋ; epedorete ikes arikor ayoŋ nariet todaun ituŋanan akaiuni.

Ŋikiru. 90:5

Ikilemanari iyoŋ isua atipei, ikikwaan isua ka akiruja, kori ŋinya ŋulu elibak taparacu ani esoŋakini akoloŋ torinyiyosi;

Aum. 3:4

Eturuwo iŋes akiriŋ ka amuny a akuwan kaŋ ŋuna enyamuna ka abilibilaa ŋakoyo kaŋ.

Dan. 6:24

Abu erwosit tolimu atemar yaunae ŋikilyok daadaŋ ŋulu esitakinito Daniel ka aponi yaunae ŋikilyok ŋulu esitakinito Daniel, ido aponi kimasakinae ikes nadui a ŋiŋatunyo, ikes ka ŋaberu kec ka ŋidwe kec. Ani eriŋa ikes nyedo kwap neni aya ŋiŋatunyo, apotu ŋiŋatunyo kilout ikes tobilibiliyasi ŋakoyo kec.

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.