Isa. 38:1 - Ebaibul

¹ Ŋirwa ŋul, abu Esekia todyakakin edeke ŋolo adikino eari. Tolot ekadwaran Isaya lokoku ka Amos neni keŋ tema, “Ebala Ekapolon kitemonokin, anerae ilosi iyoŋ atwanare, nyiŋaleuni iyoŋ anadyaka kon.”

Isa. 38:1 Iomraidhean Croise

2 Sam. 12:22

Toboŋok iŋes tema, “Ani ŋoon eriŋa ikoku eyari, abu ayoŋ eredak akiron ka egwor; anerae abala ayoŋ, ‘Ŋae eyeni? Acepaki ekesyoni ayoŋ Ekapolon, kiteyar ikoku.’

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Ŋakiro a ŋirwa 32:24

Ŋirwa ŋul, abu Esekia todyakakin edeke ŋolo adikino eari. Abu iŋes kilip neni a Ekapolon, ido abu Ekapolon toboŋok akilip keŋ, kitiya akujuwuanut, kitaŋaleu iŋes.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Isa. 1:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Yudaya ka Yerusalem alorwa a ŋulu epukatotor Usia, Yosan, Aas ka Esekia ŋulu arae ŋirwosi a Yudaya.

Isa. 37:2

Abu iŋes kiyakiya Eliakim ŋolo apolokinit ŋiticisyo alokai ka apukan ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, toloto neni a ekadwaran Isaya alokoku ka Amos.

Isa. 37:21

Abu nai Isaya lokoku ka Amos kiyakiya akirot neni a Esekia tema, “Alimu Ekapolon Akuj a Ŋisirael atemar aŋuna ilipya iyoŋ neni kaŋ aŋuna a Senakerib, a erwosit ka Asiriya,

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Yona 3:4

Kisyaki Yona alosit keŋ, toloma lotaun, todau apaaran apei elosi. Kiserau tema, “Ŋirwa ŋatomoniomwon bon idoŋito kikamarae Ninepe!”

Ŋitic. 9:37

Apaki ŋin, abu iŋes todyakakin, totwan. Kilotasi ikes akuwan keŋ, kiperikis nagule ŋina alokidiama.