Isa. 37:4 - Ebaibul

⁴ Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Isa. 37:4 Iomraidhean Croise

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

2 Ŋirw. 17:18

Abu Ekapolon toŋoik Ŋisirael nooi, tosodi kisiyoto ikes aneni keŋ. Ekabila a Yuda bon abu Ekapolon kimyek.

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

2 Ŋakiro a ŋirwa 28:19

Aris apaki ŋin keyau Ekapolon ŋican Yudaya aŋuna a erwosit Aas a ŋolo a Yudaya, anerae kebu Aas tocamak akitiya aronis alo Yudaya, ido abu kimyek akikinyomit neni ke Ekapolon.

2 Ŋakiro a ŋirwa 34:21

“Toloto toanyutu aneni ke Ekapolon ŋakiro ŋuna ekekamunito ayoŋ ka ŋituŋa ŋulu idoŋito Isirael ka Yudaya, anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a Ekapolon, nyitiya ikes lopite ŋolo ecamuna ka ŋuna daadaŋ igiritae tooma lokitaabo lo.”

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 50:21

Idaut iyes akitiya ŋakiro ŋun, ido eliliŋi ayoŋ cek; itamete iyes atemar kori ekoni ayoŋ iyes. Nai tokona ekeyeyakini ayoŋ iyes, ido akalimokini tokona ŋuna ekesitakinitor.

Isa. 1:8

Emyekin ŋituŋa a Yerusalem ikwa eripipi ŋolo alomanikor a ŋikito a epiini, ikwa eripipi ŋolo alomanikor a ŋakolil, ikwa etaun ŋolo irikaunitae.

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 10:20

Akoloŋit ŋin, nyikinyomete nabo ŋipiya a Ŋisirael ka ŋulu aponi nyeari aloletok a Yakob ekepukan ŋolo abu toar ikes, nai epote ikes akikinyom anakiro a ŋuna a kire Ekapolon, Akuj ŋina asegan ŋina a Isirael.

Isa. 10:22

Tari ŋina sek alalaata ŋituŋa a Isirael atyaakatar elalak asinyon alokipetot a anam, ŋituŋa ŋulu erae ŋipiya bon eboŋunete. Alimun ŋuna ka amunyaro, ido acamut ŋituŋa akisicanio anakiyookino;

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 36:13

Abu nai ekapolokiniton a ŋasigarya ka Asiriya towo kirworik a etoil a ŋolo apolon aŋajep a ŋituŋa a Yudaya, “Kiirasi ŋakiro a erwosit a ŋolo apolon, a erwosit ka Asiriya!”

Isa. 36:18

Nyicamut Esekia ikimodiyari iyes aŋuna irworor atemar, ikiuni Ekapolon iwon. Apotu mono ŋakujo a ŋituŋa a ŋakwapin toiut ŋituŋa kec anapedor a erwosit ka Asiriya a?

Isa. 36:20

Akuj ani alotooma ŋakujo daadaŋ ŋuna a ŋakwapin abu toiu ŋituŋa a akwap keŋ anapedor kaŋ, epedorya Ekapolon aiun ŋituŋa a Yerusalem anapedor kaŋ?’”

Isa. 37:17

Okoe Ekapolon, topupok ka kiira, ikiŋolik, okoe Ekapolon kiira ŋakiro daadaŋ ŋuna alimu Senakerib, ŋakiro ŋuna eyakuu iŋes ikijamuwarit iyoŋ Akuj ŋina eyari.

Isa. 37:31

Epitunete ŋituŋa a Yudaya ŋulupiya, edupakin ikwa ŋataaŋor alokwap ekitoe ka elalaketa ikwa ŋaraito alokidiama ekitoe.

Isa. 37:32

Eyakaun Yerusalem ŋipiya, eyakaun lomoru Sion ŋituŋa ŋulu apuun alomoe kec. Erae acamit a Ekapolon a ŋajoresyo atemar kitiyakin ŋun.

Isa. 37:5

Ani edolunete ŋituŋa ŋulu eyakuunit Esekia neni a Isaya,

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 46:3

“Okoe ŋituŋa a ekal a Yakob, kiirasi ŋakiro kaŋ, iyes daadaŋ ŋipiya a ekal a Isirael, kiirasi ŋakiro kaŋ, kiirasi ŋakiro kaŋ iyes ŋulu abu ayoŋ ekedar ameun anapaki a ŋina ikidounere, iyes ŋulu abu ayoŋ okodak tari eriŋa iya nakookyes atatoto kus.

Yer. 26:19

Abu mono erwosit Esekia ŋolo a Yudaya ka ŋituŋa a Yudaya daadaŋ toara Mika a? Pa mono abu Esekia kitopoloo Ekapolon ka todyek Ekapolon kitiya ajokis neni keŋ, ido pa abu Ekapolon kilocok ŋatameta keŋ, kimyek akisican ikes a akisicanet a ŋina sek aris iŋes kelimu aŋuna kec a? Nai tokona, edikino iwon ikiyauni akisicanet ŋina apolon neni yok!”

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Dan. 2:18

tolimok ikes akiwar akisyonio aneni ka Akuj a ŋina anakuj, kisileerek ikes ŋakiro ŋuna imunono ŋuna irujat erwosit ikotere nyeari iŋes ka ŋirukitos keŋ kaapei ka ŋikaosok a akwap a Babilon.

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 7:2

Ŋina adaunia emaase ŋol akirikar ŋakwii a ŋikito ka ŋinya anakwap a ŋin, abu ayoŋ ekalou otema, “Okoe Ekapolon, ekelipit, kisyoni ŋituŋa kon. Alipite eyaryata ŋiletok a Yakob? Epalag ikes.”

Ŋirom. 9:27

Abu ekadwaran Isaya kisileereu ŋakiro a Ŋisirael tema, “Tari kelalak ŋituŋa ŋulu a Isirael ketya asinyon ŋina ka anam, ŋidikudyo bon eiunio;

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

Yos. 14:12

Aŋun, inakinae ayoŋ akwap ŋina a ŋikamukumukui na, ŋina abu Ekapolon ekeik ayoŋ akoloŋit ŋina ikiboŋunio ayoŋ ka ŋirukitos kaŋ, itolimokin iyes ŋakiro a akwap a Kanaan. Iyoŋ daŋ elope ibu kiira apaki ŋin atemar edukito ŋimoe ŋulu anyaritae Ŋianakim ŋitaunio ŋulu ewuatae a ŋarwatatain a ŋuna egogoŋ. Nai ani kekeŋarak Ekapolon ayoŋ, apedori akibwaŋ ikes erita ikwaŋinapei alimunitor Ekapolon.”

1 Sam. 12:19

Temasi ŋituŋa daadaŋ neni a Samuel, “Kilip neni ke Ekapolon Akuj kon aŋuna kosi a ŋiketiyak kon, ikotere nyikitwaka, anerae eyatakin isua nasecisya kosi daadaŋ asecit ŋina ikicamitor erwosit ŋolo ikipukae isua.”

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”

1 Sam. 7:8

Temasi Ŋisirael neni a Samuel, “Nyijoŋ akigworonokin Ekapolon Akuj yok aŋuna yok, ido kilip ikotere itoiu iŋes iwon anakan a Ŋipilistin.”