Isa. 37:36 - Ebaibul

³⁶ Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 37:36 Iomraidhean Croise

2 Sam. 24:16

Ani edikino emalaika emunyari ŋituŋa ŋulu alo Yerusalem, abu Ekapolon kilocok ŋatameta keŋ, ido abu tema neni a emalaika a ŋolo aari ŋituŋa a ŋol, “Etemokin! Kisieŋu akan kon.” Apaki ŋin, ayai emalaika a Ekapolon ŋol nalos ŋina ka Arauna a Eyebusit.

2 Ŋirw. 19:35

Akoloŋit ŋin nakwaare, abu emalaika ŋolo ke Ekapolon tolot neni eboiyoto ŋasigarya ka Asiriya, toar ŋasigarya ŋalipyo amiat ka ŋatomonikanikauni ka ŋikan. Ani taparacu iwalari akwap, torukaut ŋituŋa ŋalyelin make.

1 Ŋakiro a ŋirwa 21:12

Emaikina mono yaunae ŋikaru ŋiuni ŋulu ke eron; kori ŋilapyo ŋiuni ŋulu ikimunyaryata ŋimoe kus a ŋileŋia itoreut iyes, kori ŋirwa ŋiuni ŋulu ikiarya iyes Ekapolon a ekileŋ keŋ, ŋirwa ŋulu elomunia adyaka anakwap, ŋina inyasia emalaika ŋolo ke Ekapolon ŋinakibois daadaŋ alo Isirael.’ Totamatama mono iyoŋ ŋakiro ŋun, ido toseu ŋuna emaikina ayoŋ oboŋok ŋolo ekeyakuunit ayoŋ.”

1 Ŋakiro a ŋirwa 21:16

Kiŋoliya Daudi kidiama, kiŋolik emalaika ke Ekapolon ewoi alokidiŋ nakuj ka akwap, etiŋit ekileŋ ŋolo alemunitae anakuraro aarya ŋituŋa a Yerusalem. Apotu nai Daudi ka ŋikasikou tonapa ŋilowi ŋulukigworyet, toramakinos kwap, kijuuroto.

Yob 24:24

Itopoloonoryo ŋikaronok apaki ŋina euruwuana, ido toŋopiyasi atipei; epuripuryaar apolou kec towiyo, lopite ŋolo elemere ŋakyes a ŋikinyom.

Yob 34:20

Epedorete ŋikabarak ka ŋikulyakanotin atwakare atipei, epedoryo ŋituŋa akitamaranikin nakwaare, ido totwaka, epedori Akuj alemar ŋikadedeŋak pa itijikinit.

Awos. 12:23

anerae akoloŋit ŋin nakwaare, itori Ekapolon ne eari Ŋijipitian; ani kiŋolik iŋes ŋaokot eya nakito ŋuna a ŋipukei, elunyar iŋes alopukei a ŋul. Nyecamakini iŋes ekamunyaran elomuni nakais kus akiar iyes.

Awos. 12:30

Tonyout Parao nakwaare ka ŋikapolok ŋulu epukatotor iŋes ta ŋituŋa a Ijipit daadaŋ; min akigworo ŋina apolon nooi nakwap a Ijipit, anerae amam ekal ŋolo pa atwanitor ituŋanan akoloŋit ŋin.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:25

anerae alotooma apaki ŋina euruwuana ajoŋoe ayoŋ aŋoikinit iyes ka eruwor ikes anyunyurikin ayoŋ omunya.

Isa. 10:26

Ayoŋ Ekapolon ŋolo a ŋajoresyo adai ikes a adaset lopite ŋolo abunio odaiya ŋituŋa a Midian anataaba a Oreb; esicani ayoŋ ŋituŋa ŋulu eya nanamyo, lopite ŋolo abunio esicania ŋituŋa a Ijipit.

Isa. 27:7

Esican mono Ekapolon ikes lopite ŋolo esicania ŋituŋa ŋulu apotu kisicana ikes a? Kori aari mono ikes lopite ŋolo aarere ŋituŋa ŋulu apotu toara ikes a?

Isa. 29:5

Nai ielaryo ŋimoe kus ŋulu alalak, kielar ikwa apuwa, ielaryo ŋiryenyaanotin lopite ŋolo ielarotor ŋamilo alokuwuam. Atipei anapaki a ŋina euruwuana,

Isa. 31:8

Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Mika 5:6

Isitiyaete ikes ŋiboro ŋulujiet areunia akwap ŋina ka Asiriya ka akwap ŋina a Nimirod, ido ikiiunete ikes iwon erae kepotu ŋituŋa ka Asiriya nakwap yok, kori kepotu lokukworin ŋulu ka akwap yok.

Naum 1:12

Tema Ekapolon neni a ŋituŋa keŋ, “Tari kegogoŋ ŋituŋa ka Asiriya ka kelalak daŋ, emunyaryo ikes jik todaunos. Tari kekesicanit ayoŋ iyes ŋituŋa kaŋ, nyekesicani nabo.

Naum 3:3

Emotuno neni kon ŋikametok ŋaŋolei, imilyasi ŋileŋia ka epariparete ŋakwaaras! Etukosi alotooma kon ŋawat a ŋituŋa a ŋulu etwakito, etukosi alotooma kon ŋawat ŋuna nyimarun, ibusonokinete ŋawat ŋun ŋituŋa.

Ŋitic. 12:23

Apaki ŋinapei, kitedyakak emalaika ŋolo ke Ekapolon Erode toramakin kwap, anerae abu iŋes kimyek ŋituŋa itopoloorito iŋes erae akuj, pa etopoloorit iŋes Akuj ŋina a kire. Tonyama ŋikur iŋes, totwan.