Isa. 37:33 - Ebaibul

³³ “Aŋun, ŋakiro ŋuna alimu Ekapolon aŋuna ke erwosit ka Asiriya ikes nu: Nyelomuni iŋes lotaun lo, nyegumuni iŋes ekaleŋeleŋet ne eyakar aupal, kori nyedukokini adoket ne ŋina edokarere lotaun.

Isa. 37:33 Iomraidhean Croise

Isa. 17:12

Okoe epupyo ŋitoilon a ŋituŋa a ŋulu alalak, irurumaete ikes lopite ŋolo irurumaata ŋakipi ananam! Okoe epupyo akiruruma a ŋakwapin, irurumaete ikes lopite ŋolo irurumaata ŋakipi ŋuna alalak nooi!

Isa. 17:14

Ani edoli eboŋ bu ekabule atipei, nai ani iwalari akwap, toŋopiyasi ikes. Erae ŋun ŋakiro ŋuna itiyakinosi neni a ŋulu enyasut akwap kosi ka erae ŋuna eryamunete ŋulu aŋatasi ŋiboro kosi.

Isa. 33:20

Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Esek. 21:22

Ikamuni iŋes aloteten keŋ ekaleŋeleŋet ŋolo igiritae ekiro a Yerusalem. Apolou keŋ atemar elimokinitae iŋes alosit akiwuakin Yerusalem ŋiboorei ŋulu ebwaŋere arwatata ka alimokin ŋituŋa keŋ akiar ŋituŋa a Yerusalem, acelun aŋuna ka akisimukekin ŋikajiok, akiwuakin lopukei a Yerusalem ŋiboorei ŋulu ebwaŋere ŋipukei, adukokin akititis narwatata a Yerusalem ka arekin Yerusalem ŋaduketa ŋuna aoyak ŋuna irikaunitere iŋes.

Ŋikis. 20:20

Nai ipedorete iyes amunaar ŋikito ŋulu iyenete iyes atemar nyenyamyo, ipedorete akiyep ikes aŋuna ka agolyo ŋimoe alotuŋa a ŋulu itijiete iyes tari ŋina ikamaryata iyes iŋes.