Isa. 37:24 - Ebaibul

²⁴ Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Isa. 37:24 Iomraidhean Croise

Ŋikiru. 20:7

Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

Awos. 15:9

Abu emoit tema, ‘Ewuapi ayoŋ ikes, aditari ayoŋ ikes, atyakatyakae ayoŋ ibore ŋini aŋatuni, aŋatari ayoŋ ŋiboro kec daadaŋ ŋulu acamit. Alemuni ayoŋ ekileŋ kaŋ, ido amunyari ayoŋ ikes a apedor kaŋ.’

Isa. 10:18

Inyasuni Ekapolon akibuses ŋina a ŋamon ka Asiriya ka ŋalup keŋ ŋuna ataronok, inyasuni Ekapolon ŋitai ka ŋawat a ŋituŋa ka Asiriya lopite ŋolo inyasunia edeke ŋolo aaran ituŋanan.

Isa. 10:33

Kiirasi, ielielaari Ekapolon ŋolo a ŋajoresyo ŋasigarya ka Asiriya ka apedor keŋ a ŋina apolon nooi. Emunyari Ekapolon ŋikarikok a ŋasigarya ka Asiriya, ituruwori Ekapolon ŋulu eturok ŋulu itiditeuna bon.

Isa. 10:34

Emunyari Ekapolon ikes lopite ŋolo eyepakinere kwap a aep amoni ŋina isijija, ilouni Ekapolon ŋolo etiron ŋituŋa a Lebanon.

Isa. 14:8

Elelyanete ŋikito a Lebanon ŋulu enyaritae Cipres ka Cedar aŋuna elounere erwosit, anerae mam ituŋanan nabo eyepakini ikes kwap ikwapei nyeriŋakar iŋes ipukat.

Isa. 29:17

Alotooma apaki ŋina euruwuana nyeruwor mono Lebanon emanikor ŋolo erai ŋaraito ŋuna alalak, ido nyeruwor mono emanikor ŋolo erai ŋaraito ŋuna alalak amoni a?

Isa. 36:9

Ikokini nai iyoŋ ipedori akiloun ekapolon epei ŋolo edit anapolou aneni a ŋikapolok a ŋulu a ekapolon kaŋ, erae kikinyomit iyoŋ Ijipit aŋuna a ŋaŋolei ka ŋikametok ŋaŋolei ai?

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Yer. 22:6

Irworo Ekapolon ŋakiro nu aŋuna a akai a apukan a erwosit a Yudaya ebala, “Ikwaan iyoŋ aneni kaŋ ka Gilead, ikwaan iyoŋ ka aita a emoru Lebanon. Nai, ekoŋi ayoŋ atemar eketuruwori ayoŋ iyoŋ aloŋisat, etaun ŋolo emam ŋituŋa iboiyoto.

Yer. 22:7

Etemokini ayoŋ ŋituŋa ŋulu epote akinyasun iyoŋ, ayauni ayoŋ ikes daadaŋ eyakatar ŋiboro kec ŋulujiet, etubutubokinete ikes kwap ŋikito kon ŋulu a Cedar kimasakis nakim.

Yer. 46:8

Anyou Ijipit esibit aŋolol Nile, esibit ŋakipi aŋolol ŋuna ipumasi. Ebasi ŋituŋa a Ijipit ebe, ‘Emaikina iwon onyouto, emaikina oburusiyasi akwap daadaŋ, emaikina omunaasi ŋitaunio ka omunyasi ŋituŋa ŋulu iboiyete alotooma kec.’

Esek. 21:2

“Lokoku a ituŋanan, kiŋoliya lowae ŋolo eyai Yerusalem, tolimonok ŋakiro ŋuna itoroniyaritere ŋakiboisyo ŋuna ilipyata ŋituŋa, todwar itoroniyarit akwap a Isirael;

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”