Isa. 37:23 - Ebaibul

²³ “Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 37:23 Iomraidhean Croise

2 Ŋirw. 19:22

Esibit iyoŋ ŋae iyanyi iyoŋ ka imorit? Ŋae icelanakini iyoŋ, ipocokinit ŋakonyen kon ituro? Itiya iyoŋ ŋun neni ka Akuj a ŋina Asegan, a ŋina a Isirael!

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

2 Ŋakiro a ŋirwa 32:17

Eyanyit daŋ erwosit ka Asiriya Ekapolon Akuj a Ŋisirael anabaruwae a ŋuna egirit iŋes. Abasi ŋakiro ŋun, “Lopite ŋolopei aponiata ŋakujo a ŋituŋa a ŋuluce nyelakut ŋituŋa kec aneni kaŋ, nyelakuni Akuj a Esekia daŋ ŋituŋa a Esekia aneni kaŋ.”

Ŋikiru. 44:16

aŋuna a ŋajutuyanareta ka ŋiyany a ŋimoe kaŋ ka ŋuna a ŋulu ekemanito ayoŋ.

Ŋikiru. 73:9

Irworosi ikes ŋakiro ŋuna aronok neni ka Akuj a ŋina eyai nakuj, ido irworosi ŋakiro ŋuna ka akituro kec neni a ŋituŋa.

Ŋikiru. 74:10

Okoe Akuj, apaki ŋina etya ai eayete ŋimoe kon ikijamuwarito iyoŋ? Erubakinete mono ŋimoe kon iyanyete ekiro kon ŋikaru ka ŋikaru a?

Ŋikiru. 74:18

Okoe Ekapolon, totamu epite ŋolo ikijamuwaritotor iyoŋ ŋimoe kon, totamu epite ŋolo iyanyata ŋibaŋaanotin ekiro kon.

Ŋikiru. 74:23

Nyijamak ecelet a ŋimoe kon a ŋulu eŋoito, nyijamak ecelet ŋolo erubakinitotor ŋimoe kon ecelasi.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Awos. 9:17

Nai eriŋa bo iyoŋ itopolooro imanit ŋituŋa kaŋ, ido nyicamit akimyekin ikes toloto.

Ŋakit. 30:13

Eyakasi ŋituŋa ŋulu etamete atemar ikijokak nooi, okoe etya ajokis ŋina etamete ikes atemar ikijokak ai!

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 10:20

Akoloŋit ŋin, nyikinyomete nabo ŋipiya a Ŋisirael ka ŋulu aponi nyeari aloletok a Yakob ekepukan ŋolo abu toar ikes, nai epote ikes akikinyom anakiro a ŋuna a kire Ekapolon, Akuj ŋina asegan ŋina a Isirael.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 17:7

Akoloŋit ŋin, ikinyomete ŋituŋa ekasuban kec ka Akuj apei ŋina asegan ŋina a Isirael.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 43:14

Alimu Ekapolon, ekalakunan kus, Akuj ŋina asegan ŋina a Isirael ŋakiro nu ebe, “Aŋuna ka aiun iyes, eyakiyari ayoŋ ŋasigarya toremo Babilon, aritaari ayoŋ ŋipukei a etaun, ido eturuwori ayoŋ acela a Ŋibabiloniyae ŋina ka alakara akiwolol.

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Isa. 5:15

Etiditeun ŋituŋa, etiditeun ŋituŋa daadaŋ, esirumi ŋulu iturosi ŋileec.

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Yer. 48:42

Emunyaryo ŋituŋa a Moab, anerae apotu ikes kitopoloorosi make toŋero Ekapolon.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:9

Irubakini mono iyoŋ ibala, ‘Arae ayoŋ akuj; toyakas bo neni kon ŋikaarak iyoŋ a? Iruwor iyoŋ ibore ŋini etwani, meere akuj, apaki ŋina eponiata neni kon ŋikaarak iyoŋ.

Esek. 35:13

Idaut iyes erwor iturosi nooi ikimanito ayoŋ, iyatakis iyes ŋakiro kus ŋuna ikimanitotor ayoŋ, adau ayoŋ akiirar ŋun.

Esek. 39:7

“Etaanyuni ayoŋ ŋituŋa kaŋ Ŋisirael ekiro kaŋ ŋolo asegan; nyacamuni nabo ayoŋ tojamuwarae ekiro kaŋ ŋolo asegan, eyenunete ŋituŋa a ŋakwapin atemar arae ayoŋ Ekapolon, Akuj ŋina asegan ŋina ayai Isirael.

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Dan. 8:11

Abu amomwara ŋin kitiya ŋuna ka akituro neni a Ekapolon a ŋolo a ŋimalaikan, abu tojoŋo ainanakin ŋainakineta ŋuna epeyo a ŋinakoloŋit aŋuna a Ekapolon ka abu kikama akibois ŋina ayai Akai ŋina ka Akuj.

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”