Isa. 37:22 - Ebaibul

²² ŋakiro nu alimu ayoŋ Ekapolon aŋuna a Senakerib: Senakerib, ikijamuwarito ka ikikyenatar iyoŋ ŋituŋa a Sion iniŋiniŋete ŋituŋa a Yerusalem ŋakyes ikiŋolikinete iyoŋ iemi.

Isa. 37:22 Iomraidhean Croise

2 Ŋirw. 19:21

Ŋakiro ŋuna adau Ekapolon Akuj akirwor aŋuna keŋ ikes nu: Senakerib, ikijamuwarito iyoŋ ŋituŋa a Sion ikikenatar. Ikemosi ikes, tokeri iyoŋ.

Yob 16:4

Emaikina ayoŋ daŋ erworik ikwapei irworor iyoŋ; ani kerae toyakas iyes lopite ŋolo ayakar ayoŋ, kerwor ayoŋ ŋakiro ŋuna alalak etoropiunit akaremokino iyes, kemuŋumuŋu akou kaŋ aŋuna kus.

Ŋikiru. 31:18

Kisililiŋ ŋulu irworosi alyokonu, alotooma akituro ka akitoroniyarit, irworosi ikes isupasi, ido eremokino ŋulu iyookino.

Ŋikiru. 9:14

ikotere ayoŋ aeikini ŋikipurisyo kon daadaŋ alopukei a ŋituŋa kon a ŋulu a Sion, olelyan a nen aŋuna ikiiunia iyoŋ ayoŋ.

Isa. 1:8

Emyekin ŋituŋa a Yerusalem ikwa eripipi ŋolo alomanikor a ŋikito a epiini, ikwa eripipi ŋolo alomanikor a ŋakolil, ikwa etaun ŋolo irikaunitae.

Isa. 10:32

Akoloŋit napei na, ieŋunete ŋimoe alotaun Nob, iniŋiniŋokinete ŋakan kec aŋuna a ŋituŋa a ŋulu iboiyete alomukura Sion ka aŋuna a ŋituŋa a ŋulu iboiyete alo Yerusalem.

Isa. 23:12

Ebala Ekapolon, “Nyilakarosi iyes nabo, okoe ŋituŋa a Sidon ŋulu ikisicanitae, tonyoutu, todokasi Kupuro, tari alo Kupuro nyiryamunete iyes akieŋun.”

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 18:16

Aŋun, eturuwosi ikes akwap kec ŋina a ŋinyas, ibore ŋini epedori ituŋanan ajamuwar ŋikaru ka ŋikaru. Ŋituŋa daadaŋ ŋulu itorete nen, ebulit ka imuŋumuŋete ŋakyes kec aŋuna a ŋinyas keŋ.

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Aum. 2:13

Okoe ŋituŋa a Yerusalem, anukiro tokona alimuni ayoŋ aŋuna kus? Nyo ekesikwaanikinia ayoŋ iyes? Ŋae tokona ekesikwaanikinia ayoŋ iyes ikotere ayoŋ ekesirworiuni iyes? Mam ekisal a ŋican kus, ikwaan ka neni emamukar esal ŋolo ka anam; mam ituŋanan epedori akiteyar iyes nabo.

Aum. 2:15

Ŋituŋa daadaŋ ŋulu itorunete Yerusalem, eramete ŋatorobwo eumokinito aŋuna kus. Epodosi ka imuŋimuŋete ŋakyes eumokinito aŋuna a ŋituŋa a Yerusalem ebasi, “Erae mono lo etaun ŋolo paaran ebus nooi akilo a? Erae mono lo etaun ŋolo paaran alelakinito ŋituŋa daadaŋ anakwap a?”

Amos 5:2

amunaar akwap a Isirael, nyejokuni nabo jik, atwanikis ŋituŋa a Isirael nakwap kec pei, mam ituŋanan emitakinit.

Sepan. 3:14

“Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sakar 2:10

Ebala Ekapolon, “Iyes ŋituŋa a Sion, toeoto ka tolelyana, anerae abunit ayoŋ, ido eboiyoto kaapei ka iyes.”

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 21:5

“Tolimokisi ŋituŋa a Sion atemar, kiŋolikisi, ebunit Erwosit neni kus! Itiditeuna iŋes ka edokit isigirya, itaok ŋini ka asigirya.”

Mat. 27:39

Kimuŋumuŋa ŋulu etorunete nen ŋakyes kec iyanyete iŋes

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”