Isa. 37:2 - Ebaibul

² Abu iŋes kiyakiya Eliakim ŋolo apolokinit ŋiticisyo alokai ka apukan ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, toloto neni a ekadwaran Isaya alokoku ka Amos.

Isa. 37:2 Iomraidhean Croise

2 Ŋirw. 18:18

Apotu ŋasigarya ka Asiriya tonyarata Esekia erwosit, tolomut kiŋa neni aya ŋasigarya ka Asiriya, Eliakim lokoku a Ilikia ŋolo apolokinit etic alokai ke erwosit ka Sebina ŋolo arae ekegirigiran ta Yoa lokoku ka Asap ŋolo arae ekeŋadan ŋakiro ŋuna adaun akigir.

2 Ŋirw. 19:2

Abu iŋes kiyakiya Eliakim ŋolo apolokinit akai ŋina ke erwosit ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, ido apotu toloto neni a ekadwaran Isaya a lokoku ka Amos.

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Esta 4:1

Ani eyenuni Moridekai ŋuna keponi totubunoe daadaŋ, tocilicili ŋilowi keŋ, tonap ŋiguniyae, kipunupunakin ekuron, ido tolot kidiŋ etaun iwololoe nooi, enomorito ŋakiro.

Isa. 1:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Yudaya ka Yerusalem alorwa a ŋulu epukatotor Usia, Yosan, Aas ka Esekia ŋulu arae ŋirwosi a Yudaya.

Isa. 20:2

abu Ekapolon apaki ŋin kirwor neni a Isaya alokoku ka Amos. Tolimok Ekapolon Isaya tema, “Ape tolaca ŋiguniyae anakuwan kon ka ŋamuk anakejen kon.” Abu Isaya kitiya ŋun, tolot irimit eleri ka pa enapit ŋamuk.

Isa. 22:12

Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Isa. 22:15

Ŋakiro nu ikes alimu Ekapolon Akuj ŋolo a ŋajoresyo ebe, “Bua, tolot neni a ŋolo epolokinit ŋuluce a ŋolo enyaritae Sebina, a ŋolo epolokinit ŋiboro alokai ka apukan, ido tolimok iŋes tema,

Isa. 22:20

“‘Akoloŋit ŋin anyarauni ayoŋ eketiyan kaŋ Eliakim lokoku a Ilikia,

Isa. 36:3

Bu neni keŋ Eliakim lokoku ka Ilikia, ŋolo apolokinit ŋiticisyo alokai ka apukan, arukito iŋes ka Sebina ekegirigiran ta Yoa lokoku ka Asap, ŋolo apolokinit ŋakiro ŋuna igiritae.

Isa. 37:14

Abu Esekia kijau abaruwa aneni a ŋituŋa a ŋulu eyakuunit Senakerib, tosodi tosyom. Ekaku, abu Esekia kitipeiyo Kai a Ekapolon, ido topeta abaruwa alokiŋaren Ekapolon.

Isa. 37:21

Abu nai Isaya lokoku ka Amos kiyakiya akirot neni a Esekia tema, “Alimu Ekapolon Akuj a Ŋisirael atemar aŋuna ilipya iyoŋ neni kaŋ aŋuna a Senakerib, a erwosit ka Asiriya,

Isa. 38:1

Ŋirwa ŋul, abu Esekia todyakakin edeke ŋolo adikino eari. Tolot ekadwaran Isaya lokoku ka Amos neni keŋ tema, “Ebala Ekapolon kitemonokin, anerae ilosi iyoŋ atwanare, nyiŋaleuni iyoŋ anadyaka kon.”

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.