Isa. 37:19 - Ebaibul

¹⁹ ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Isa. 37:19 Iomraidhean Croise

2 Sam. 5:21

Apotu Ŋipilistin kimyekis ŋitorubei a ŋakujo kec a nen, ido apotu Daudi ka ŋirukitos keŋ kidepasi ikes yaa.

Awos. 32:20

Tolot nai Moses tolemu etorube a itaok a ŋini kepotu ŋituŋa kitiyaut, kimasak nakim kicuny, kiryaa todopirir, kipurupurak nakipi, ido inak Ŋisirael tomata ŋakipi ŋun.

Isa. 10:7

Nai nyecamit erwosit ka Asiriya akitiya ŋun, nyetami daŋ iŋes ŋakiro ŋun, nai eya lotau keŋ ŋakiro ŋuna ka akinyasun ka amunyar ŋituŋa a ŋakwapin a ŋuna alalak;

Isa. 17:8

Nyikinyomete nabo ŋamuroeta kec ka ŋiticisyo ŋulu a ŋakan kec, ido nyiŋolikinete ikes ŋitorubei ŋulu apotu ikes kitiyaut, nyiŋolikinete ŋipirin ŋulu a ŋitalyo, kori ŋamuroeta ŋuna ecunyere ekinyate.

Isa. 2:8

Ileleba nakwap kec ŋitorubei a ŋakujo, ilipete ikes neni a ŋiboro a ŋulu itiyaunitae a ŋakan, ka neni a ŋiboorei a ŋulu itiyaunitae a ŋimoyo.

Isa. 26:14

Nyeyarete ŋikatwak, nyeboŋununeete nakwap ŋitorubei a ŋikatwak, anerae ibu iyoŋ kisican ikes ka tomunya ikes, kitoŋopiya ikes tojoŋoi atamunit jik.

Isa. 41:24

Kire jik, iraakasi iyes ŋakoŋinae ka erae ŋiticisyo kus ŋikoŋinae; ituŋanan daadaŋ ŋini eseuni akiwuap iyes erae ŋini esiilyana.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 41:7

Isimukekini eketiyan ŋiboro a ŋakito ituŋanan ŋini eyeni akitiya ŋiboro a egolid ka isimukekini ŋolo ibubui ŋiboro a enyondo ituŋanan ŋini ityeki anakityeket. Ebala iŋes neni a ŋini imadi ka asuwat ebe, ‘Itiyat iyoŋ ejok;’ tosodo nai ikes kibubukis etorube a akuj a ŋisumari, ikotere eenikin ejok.

Isa. 44:17

Akitoe a ekitoe a ŋol nenice daadaŋ, ituruwori iŋes akuj, akuj keŋ, eryediki kijuuru alokiŋaren kilip neni keŋ, etemari iŋes ilipi neni keŋ ebe, “Toiunae ayoŋ, anerae irae iyoŋ akuj kaŋ.”

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 16:20

Epedorete mono ŋituŋa akitiyaun ŋakujo aŋuna kec a? Meere ibore ŋini itiyaunete ikes Akuj.

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Dan. 11:8

Tari ŋakujo kec kaapei ka ŋitorubei a ŋakujo ka ŋiboro kec ŋulu ajokak ŋulu itiyaunitae a esilipa ka egolid, iwokori iŋes nakwap a Ijipit ikwapei ŋiboro ŋulu eŋatunitae alojie. Eai nai iŋes ŋikaru ŋulu alalak nyitijikino erwosit ŋolo alo Kuju.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Osea 8:6

Arae Esiraelit ŋolo eyeni akitiya ŋiboro iŋes etiyauni etorube a itaok ŋol, meere etorube a Akuj nai etorube koŋin. Ebwaŋabwaŋaaryo etorube a itaok a ŋituŋa a Samaria, toruwor ŋakanyilinyili.

Ŋigal. 4:8

Koloŋ sek, pa iyenete iyes Akuj, ido ipotu toruworos ŋipi ŋulu a ŋakujo a ŋuna nyerae Akuj ŋina a kire.