Isa. 36:9 - Ebaibul

⁹ Ikokini nai iyoŋ ipedori akiloun ekapolon epei ŋolo edit anapolou aneni a ŋikapolok a ŋulu a ekapolon kaŋ, erae kikinyomit iyoŋ Ijipit aŋuna a ŋaŋolei ka ŋikametok ŋaŋolei ai?

Isa. 36:9 Iomraidhean Croise

2 Ŋirw. 18:24

Ani kerae neni ka akwap a Ijipit imecakinito iyes aŋuna ka ainakin iyes ŋagaari ŋuna iritae a ŋaŋolei ka ŋasigarya ŋuna emeto ŋaŋolei, alipite ipedoryata iyes areun ekarikon ŋasigarya tari ŋolo erae epei todit apolou keŋ?

2 Ŋirw. 7:6

Kepotu ikes tobwaŋas anerae kebu Ekapolon ekiŋaren kisiira ŋasigarya ka Aram eruye ŋolo asibit akicodoret ŋina ka ajore a ŋina apolon nooi, ŋina edokitere ŋaŋolei ka ŋagaari ŋuna iritae a ŋaŋolei. Kepotu nai ŋasigarya ka Aram kirworikis ecelasi temasi, “Ketac erwosit a Isirael ŋirwosi a Ŋiitaiti ka ŋulu a Ŋijipitian akitijiore iwon!”

Ŋakit. 21:31

Epedori ituŋanan akoloŋit ŋina ke ejie akitemokin aŋole keŋ, nai Ekapolon einakini ituŋanan ŋin akiloun ŋimoe keŋ.

Isa. 10:8

anerae ebala iŋes, “Nyerae mono ŋikapolok a ŋasigarya kaŋ daadaŋ ŋirwosi a?

Isa. 20:5

Ebuli ŋituŋa daadaŋ ŋulu sek ayakatar akigeno aŋuna ka Esiopia ka ŋulu eturosi aŋuna a Ijipit.

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 31:3

Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Isa. 36:6

Topupok, ikinyomit iyoŋ ŋituŋa a Ijipit, ŋituŋa ŋulu epalag ikwaan ka ateteleit ŋina ebilil, ŋina epedori akirem akan a ituŋanan a ŋini egwaŋakin iŋes. Ikoni Parao erwosit a Ijipit nen aneni a ŋulu ikinyomito iŋes.’

Isa. 36:8

Bua tokona, kirworiutu ka ekapolon kaŋ erwosit ka Asiriya. Akainakini ayoŋ iyoŋ ŋaŋolei ŋalipyo ŋaarei kipedori iyoŋ elope aryamun ŋulu emeete ŋaŋolei ŋun.

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Ŋikis. 17:16

Kikote neni daŋ, nyemaikina iŋes toryamu aŋuna keŋ ŋaŋolei ŋuna alalak, kori kinyaka ŋituŋa Ijipit aŋuna ka aryamun ŋaŋolei ŋace, anerae ikilimok iyes Ekapolon ebe, “Nyiboyosi nabo inaa.”