Isa. 36:12 - Ebaibul

¹² Nai tema ekapolokiniton a ŋasigarya ka Asiriya neni kec, “Itamete iyes ekeyakuunit ayoŋ ekapolon kaŋ alimokin ŋakiro nu neni a erwosit kus ka neni kus nai meere neni a ŋituŋa a ŋulu iboiyete alokidiama arwatata, a ŋulu ebukoritae kaapei ka iyes akinyam ŋacin kec ka akimat ŋakul kec a?”

Isa. 36:12 Iomraidhean Croise

2 Ŋirw. 18:27

Nai abu ekapolokiniton ejie a ŋasigarya ka Asiriya tolimu tema, “Pa sek ekeyakuunit ekapolon kaŋ ayoŋ neni ke erwosit kus ka neni kus make alimokin ŋakiro ŋun, nai arae tari neni a ŋulu edukito ŋakais kec narwatata alotooma, ŋulu elosyo kaapei ka iyes akitanyam ŋacin ka akimat ŋakul kus pei.”

Isa. 36:11

Apotu nai Eliakim, Sebina ka Yoa tolimokis ekapolokiniton a ŋasigarya ka Asiriya temasi, “Ikilipit isua iyoŋ, kirwor a ŋaramaik neni kosi a ŋiketiyak kon, anerae ikiyeni isua aŋajep ŋin, nyirwor neni kosi a ŋajep a ŋituŋa a Yudaya epupete ŋituŋa ŋulu edokito arwatata.”

Isa. 36:13

Abu nai ekapolokiniton a ŋasigarya ka Asiriya towo kirworik a etoil a ŋolo apolon aŋajep a ŋituŋa a Yudaya, “Kiirasi ŋakiro a erwosit a ŋolo apolon, a erwosit ka Asiriya!”

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Yer. 19:9

Tosodi ainakini ayoŋ ŋituŋa a Yudaya ka ŋulu a Yerusalem tonyama ŋawat a ŋidwe kec a ŋulusapa ka a ŋulupesur, enyamete daadaŋ ŋawat a ŋikidunyet kec anapaki a ŋina irikaunere etaun ka alocan a ŋulu iteryamunete ŋimoe kec ŋulu ecamito akiar ikes.

Esek. 4:12

Kinokak akim a ŋacin a ŋuna ewokito kipounio alokiŋaren ŋituŋa ŋamugati anakirya a ŋikinyom a ŋulu ikwaan ke erau, ido tonyam ŋamugati ŋun.”

Esek. 4:16

Torubak iŋes irworo ebala, “Lokoku a ituŋanan etoŋopiyari ayoŋ akimuj alo Yerusalem. Enyamete ŋituŋa a nen akimuj ipimanakinio kiitanito ace, emasete ŋakipi ŋuna ipimanakinio tokadakinite,

Ŋilep. 26:29

Ikitanyami iyes akoro ŋawat a ŋidwe kus a ŋulusapa ka a ŋulupesur.