Isa. 36:1 - Ebaibul

¹ Alokaru a ŋolo a ŋitomon ka ŋiomwon ipukat erwosit Esekia Yudaya, abu Senakerib erwosit ka Asiriya torem ŋitaunio daadaŋ alo Yudaya ŋulu adukitoe ŋaduketa ŋunajiet ka abu kikama ikes.

Isa. 36:1 Iomraidhean Croise

2 Ŋirw. 18:13

Alokaru a ŋolo a ŋitomon ka ŋiomwon ipukat Esekia, abu Senakerib erwosit ka Asiriya torem ŋitaunio alo Yudaya daadaŋ ŋulu adukuk ejok, kikama.

2 Ŋirw. 18:17

Kiyakiya erwosit ŋolo ka Asiriya neni ke Esekia a ŋolo ayai Yerusalem ŋikapolok ŋulu a ŋasigarya keŋ ŋiuni, ŋolo apolokinit daadaŋ ka ŋolo ewuapit ŋol ta ŋolo apol alojie. Arukito ikes ka ŋasigarya ŋuna alalak nooi ŋuna arukorete ka ikes alotaun Lakis. Potu ikes tari Yerusalem, towua anadoketa aŋuna ka abwal a ŋina ayai neni amukur, lorukude ŋolo alosi neni adonyere ŋilowi.

2 Ŋakiro a ŋirwa 12:4

Kikama Sisak ŋitaunio ŋulu aya ŋaduketa ŋunajiet alo Yudaya, tolot kitijik tari Yerusalem.

2 Ŋakiro a ŋirwa 32:1

Kedau Esekia akitiya ŋakiro ŋun daadaŋ anakikinyomit Akuj, abu Senakerib erwosit ŋolo ka Asiriya bu torem Yudaya. Kisirikau ŋasigarya keŋ ŋitaunio a Yudaya daadaŋ ŋulu adukitoe ŋaduketa ŋunajiet ecamit akikamar toruwor ŋulu keŋ.

Isa. 7:17

Eyauni Ekapolon neni kon ka neni a ŋituŋa kon ta nateker kon ŋirwa ŋulu a ŋican ŋulu nyetakanuna ŋinapei ameun anakoloŋit a ŋina atyakaror Epuraim alo Yudaya. Iyakuuni Ekapolon erwosit ka Asiriya neni kon.

Isa. 7:20

“Akoloŋit ŋin, ipaŋgauni Ekapolon erwosit ŋolo ka Asiriya alokekwaye aŋolol Eupurate tobany ŋakyes kus, ŋitim ŋulu a ŋakejen kus ka ŋipeneka kus.

Mika 1:9

Ikwaan ŋakiro a Samaria ka etoku; adolut ŋakiro ŋun tari Yudaya. adolut tari lokek a ŋituŋa kaŋ, Yerusalem elope.