Isa. 35:4 - Ebaibul

⁴ Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 35:4 Iomraidhean Croise

1 Ŋakiro a ŋirwa 28:20

Tema nabo Daudi neni a Solomon alokoku keŋ, “Togogoŋior ka totitinyor, kitiya etic. Nyikuryaniar, kori nyicamu ikikadakini, anerae irukito iyoŋ ke Ekapolon Akuj kaŋ. Nyikimyekini iŋes iyoŋ, mati jik kirikakin etic daadaŋ ŋolo ka Akai ke Ekapolon.

Ŋikiru. 116:11

Abu ayoŋ anakadakinit kaŋ otema, “Erae ŋituŋa daadaŋ ŋikalyokonok.”

Ŋikiru. 145:19

Isiyoonokini iŋes akiitanit a ŋulu itopoloorito iŋes; iiranari akigworo kec, eiununui ikes.

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Isa. 1:24

“Aŋun irworo Ekapolon ŋolo ipukat daadaŋ, Ekapolon a ŋajoresyo, Ekapolon ŋolo etiron ŋolo a Ŋisirael ebe, ‘Okoe! anyunyurikin ayoŋ ŋimoe kaŋ, ido enyaŋa ŋuna etiyata ŋimoe kaŋ neni kaŋ.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 31:5

Erouni iyokit Ekapolon ŋolo a ŋajoresyo a Yerusalem, lopite ŋolo erounitotor ŋikyeny akwap eporete alokidiama, iyoki ka elakuni Ekapolon Yerusalem, iŋarakini ka eiuni iŋes.

Isa. 32:4

Etubete anatameta kec ŋakiro ejok ŋulu sek ikirikirasi akitub ŋakiro, irworikinete ŋiŋajapanotin itenikinito ŋakiro emam akibatibata.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 37:6

tema Isaya neni kec, “Tolimokisi ekapolon kus ebe, ‘Ŋakiro ŋuna alimu Ekapolon ikes nu, nyikibul aŋuna a ŋakiro a ŋuna idau iyoŋ akiirar, a ŋakiro a ŋuna ekeyanyitotor ayoŋ ŋituŋa ŋulu iyakuunit erwosit ŋolo ka Asiriya.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Isa. 44:2

Alimu Ekapolon ŋolo ikisubuni iyes, ŋolo abu ikiyeu iyes anakookyes atatoto kus ka ŋolo abu ikiŋarak ebe, “Nyikuryaketa, okoe ŋiletok a Yakob a eketiyan kaŋ, okoe iyes ŋiletok a Isirael ŋulu adau ayoŋ aseun;

Isa. 47:3

Ilerokinete iyes alokiŋaren ŋituŋa ka iŋolikinete ŋituŋa ŋileec kus. Alosi ayoŋ akinyaŋar, tosodi mam ituŋanan aesikini ayoŋ.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 49:4

Nai abu ayoŋ otema, “Etiya ayoŋ koŋin, ecanicanaa ayoŋ agogoŋu kaŋ koŋin ka acaryoon;” kikote neni daŋ, ayeni ayoŋ atemar akainakini Ekapolon ayoŋ ibore ŋini erae ŋini kaŋ ka eyai eropit kaŋ neni ka Akuj kaŋ.

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Isa. 7:4

tolimok iŋes atemar, totenite, kililiŋ, nyikuryaniar ka totitinyor aŋuna a erwosit Resin ka erwosit Peka ta Aram ta lokoku a Remalia nyepedorete ikes akiwan iyoŋ, anerae ikwaan ikes ka ŋakito a akim ŋaarei ŋuna epuruyete koŋin.

Dan. 10:18

“Abu nabo emalaika ŋolo asibit ituŋanan okotap ayoŋ, tosodi eketogogoŋ ayoŋ.”

Dan. 10:19

Tema iŋes neni kaŋ, “Nyikuryaniar, irae iyoŋ ituŋanan ŋini ikimina Akuj nooi, mam ŋace etakanunete neni kon. Togogoŋior ka totitinyor!” Ani irworikini iŋes neni kaŋ, abu ayoŋ ogogoŋior otema, “Kirworik Ekapolon kaŋ, anerae ikitogogoŋ iyoŋ ayoŋ.”

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Agai 2:4

nai tokona ebala, ‘Okoe, Serubabel totitinyik iyoŋ, Okoe esacaradoti ŋolo Apolon nooi Yosua, lokoku a Yeosadak, totitinyik, iyes ŋituŋa daadaŋ ŋulu ka akwap, totitinyikisi, ido kitiyata, anerae ikirukit ayoŋ ka iyes;

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Luk. 21:28

Ani edoli ŋirwa ŋulu iyookinotor ŋun daadaŋ, towua kireosi ŋakyes kus kidiama, anerae aapuu aiuno kus.”

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

1 Ŋites. 5:14

Ikimaimai isua iyes ŋikaitotoi, kisirworiut ŋituŋa ŋulu ekalanyaka, kisimukekisi ŋulu ekuryaka, kiŋarakisi ŋulu epalag, todaŋa ŋituŋa daadaŋ.

2 Tim. 2:1

Ani iyoŋ lokoku kaŋ, toruwor ŋolo igogoŋ anajokis a ŋina erae ŋina yok alotooma akimorikina ka Yesu Kristo.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 22:20

Iŋes ŋini iteyenunit ŋakiro nu ebala, “Kire jik abuni ayoŋ atipei!” Amen. Bua, Ekapolon Yesu!

1 Sam. 23:17

Tema Yonasan neni a Daudi, “Nyikuryaniar; nyepedori papa kaŋ Saul akiar iyoŋ. Iruwor iyoŋ erwosit alo Isirael, ido ayoŋ akatupakini iyoŋ anapolou. Eyeni papa kaŋ Saul ŋun daadaŋ.”