Isa. 35:2 - Ebaibul

² eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 35:2 Iomraidhean Croise

1 Ŋakiro a ŋirwa 16:33

Eeikinete nai ŋikito a ŋamon alotooma alelyanu alokiŋaren Ekapolon, anerae ebuni iŋes atubokin ŋituŋa.

1 Ŋakiro a ŋirwa 27:29

Sitirai ŋolo arae Esaronait iŋes apolokinit ŋibaren ŋulu eyokiyo Saron. Sapat lokoku ka Adilai iŋes apolokinit ŋibaren ŋulu eyokiyo nakadipaalae.

1 Ŋakiro a ŋirwa 5:16

Apotu Ŋigadi kiboiyoto alo Gilead, alo Basan ka alotaunio a ŋulu aya nen ta adakar daadaŋ ŋina a Saron, todoiyosi neni daadaŋ apedorete ikes akidol.

Ŋikiru. 50:2

Ecai Akuj alo Sion, alotaun a ŋolo ibus nooi.

Ŋikiru. 72:16

Elipi tolalata nooi ŋikinyom anakwap keŋ, elipi kigoonoto ŋaraito alokamukumukui elipi kikokis ŋaraito ka akwap keŋ ŋuna ka akwap a Lebanon; elipi tolalata ŋituŋa alotaunio ka akwap keŋ, lopite ŋolo elalaata ŋinya anariet

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 89:12

Iyoŋ ibu tosub akwap alowae a ŋolo alo Kuju ka alowae a ŋolo alo Kwap; ipurosi iyoŋ ka alelyanu emoru ŋolo a Tabor ka Erimon lopite ŋolo eotor ŋituŋa neni kon.

Ŋikiru. 97:6

Iseraete ŋimalaikan ŋuna ka akiyookino keŋ; iteete ŋituŋa daadaŋ apolou keŋ.

Awos. 16:7

iŋolikinete iyes moi taparacu ebari ŋolo ke Ekapolon, anerae eira iŋes akiŋuruŋura kus neni keŋ. Ata ŋae mono isua, iŋuruŋurasi iyes neni kosi?”

Eete a Ŋie. 2:1

Ikwaan akibuses kaŋ ka ŋina a ŋatur a ŋuna eyakasi nadipo ŋina enyaritae Saran, ikwaan ŋin ka aturot a ecomocomo a ŋolo eyai nakadipaalae.

Eete a Ŋie. 7:5

Ikisibusit iyoŋ akou kon, lopite ŋolo isibusitor emoru Karimel akwap, ikwaan ŋitim kon ka ausi ŋina kipurat-areŋan, ikitisibito iyoŋ nakoku a erwosit.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 35:10

Eboŋunete ŋituŋa ŋulu adau Ekapolon alakun, eboŋunete ikes Sion eosi, eryamunete ikes alakara ŋina a ŋikaru ka ŋikaru; eryamunete ikes alelyanu ka alakara, edaun akiyaloloŋ ka akisuta aneni kec.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 40:9

Okoe ŋituŋa a Sion, toloto lomoru ŋulu aoyak, kiserata a nen ŋakiro ŋuna ajokak, tocelutu a ŋitoilon a ŋulu apolok, okoe ŋituŋa a Yerusalem, kiserata ŋakiro ŋuna ajokak, tolimosi ŋakiro ŋun, nyikuryaketa. Tolimokisi ŋituŋa ŋulu iboiyete alotaunio a Yudaya ebe, “Eyai Akuj kus ne.”

Isa. 41:19

Eturupuni ŋikito a Cedar analoŋisat, eturupuni ayoŋ ŋikito ka Akacia, ŋikito ŋulu ikwaan ka ŋikamurya, ŋikito a Olipa analoŋisat; eturupuni ayoŋ ŋikito a Cipres analoŋisat aneni eonit, eturupuni ayoŋ analoŋisat ŋikito ŋulu aoyak ka ŋulu arubak togogoŋ,

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Isa. 60:13

Eyaunio ebari a Lebanon daadaŋ neni kus, eyaunio ŋikito a Cipres ka ŋuluce daadaŋ aŋuna ka akisibusya akibois kaŋ ŋina asegan, ido esibusi ayoŋ akibois kaŋ.

Isa. 60:19

Nyeruwor nabo akoloŋ ikiinakini iyes akica naparan, kori nyecauni neni kus nakwaare akica ŋina ke elap, nai Ekapolon eruwor akica kus ŋina a ŋikaru ka ŋikaru ka eruwor Akuj kus apolou kus.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 66:10

Tolelyana ka Yerusalem ka tolakaros aŋuna keŋ, iyes daadaŋ ŋulu iminasi iŋes, Tolelyana ka iŋes analelyanu keŋ iyes daadaŋ ŋulu iyaloloŋete aŋuna keŋ,

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Osea 14:5

Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Sakar 10:7

Egogoŋioto ŋituŋa a Isirael ikwa ŋasigarya, elakarosi ikwa ŋituŋa ŋulu emasito epiini, etamununeete ŋipapae kec akiloun ŋin, ido elakarosi aŋuna adau Ekapolon akitiyakin.

Yoa. 12:41

Alimuni Isaya ŋakiro ŋun, anerae abu kiŋolik apolou a Yesu, kisyak nai akirwor aŋuna keŋ.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Ŋitic. 9:35

Toanyuwasi ŋituŋa daadaŋ ŋulu aya Lidda ka Saron iŋes eŋale; kibelekinos, tonupa Ekapolon.

Ŋirom. 10:15

Ikokinio iserao ŋakiro ŋuna ka Akuj ai, erae pa kiyakiyar ŋikiyakia? Ikwaŋinapei ebaakatar Ŋakigireta ebe, “Ejok nooi abunore ŋina a ŋulu eyaunete Ŋakiro ŋuna Ajokak.”

Ŋirom. 15:10

Igiritae nabo Nakigireta ebe, “Tolakaros iyes ŋulu nyirae Ŋiyudayan, kaapei ka ŋituŋa ka Akuj ŋulu seuna!”

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Yos. 19:26

Alamelek, Amad ka Misal. Alowae a ŋolo alo To adolit ekukoru kec Karimel ka Sikor-Libinas;

Akis. 21:23

Nyiitanit etaun ŋol akica ŋina ka akoloŋ kori ŋina ke elap, anerae ecaikinit akica ŋina ka Akuj neni keŋ ka erae Imesek etaa keŋ.