Isa. 34:8 - Ebaibul

⁸ Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 34:8 Iomraidhean Croise

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 47:3

Ilerokinete iyes alokiŋaren ŋituŋa ka iŋolikinete ŋituŋa ŋileec kus. Alosi ayoŋ akinyaŋar, tosodi mam ituŋanan aesikini ayoŋ.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 63:4

Aris apaki ŋinakinyaŋaret keyakaun lotau kaŋ ka aris ekaru ŋolo ka alakun ikes kedolu.

Yer. 46:10

Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Yoel 3:4

“Nyo ikimanitotor iyes ayoŋ okoe Tiro ka Sidon ta ŋakiboisyo ŋuna a Ŋipilistin daadaŋ, inyaŋete iyes ŋadi neni kaŋ itiyaete ŋun a? Ani kinyaŋete ŋadi, eburuburakini ayoŋ akinyakakin iyes atipei pena nakyes kus ŋuna itiyaete iyes.

Mika 6:1

Kiirasi ŋakiro ŋuna irworo Ekapolon: “Tonyoutu! Todyekanaros aŋuna a ŋakiro kus aloŋaren ŋimoru, kimyekisi ŋikamukumukui kiirasi ŋitoilon kus.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Ŋirom. 2:5

Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj.

Ŋikis. 32:35

Erae akinyaŋanar ŋina kaŋ ka ayoŋ esicani ikes apaki ŋina eseciata, anerae eapi akoloŋit ŋina a ŋican kec, edoluni amunyaro kec atipei.

Akis. 14:11

Erubakini apuru ŋina ka akim a ŋina isicani ikes elosi kidiama ŋikaru ka ŋikaru. Emam apaaran kori akuwar ŋina ieŋuniata alocan kec. Ŋituŋa ŋulu ilipete neni ke etyaŋ a ŋol ka neni ke etorube keŋ, ikes ŋulu eyai emacar keŋ loreetin kec.”

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 19:2

Erae kire ka iyookino ŋatubokineta ŋuna ka Akuj! Atuboki iŋes amalaat ŋina enyasunit akwap aŋuna ka amalao keŋ. Enyaŋarya Akuj iŋes, anerae abu iŋes toar ŋiketiyak ŋulu ka Akuj.”