Isa. 34:6 - Ebaibul

⁶ Eyakar Ekapolon ekileŋ, ileleba ŋaokot lokileŋ ŋol, erapit arurak ekileŋ ŋol, ileleba ŋaokot a ŋikaalei a ŋulumesekin ka ŋuna a ŋamee lokileŋ ŋol, ileleba ŋaruraka a ŋiŋalur a ŋimeesekin lokileŋ ŋol, anerae eyakar Ekapolon amuronot Bosira, eari Ekapolon ŋituŋa ŋulu alalak alo Edom.

Isa. 34:6 Iomraidhean Croise

2 Sam. 1:22

Nyikwaŋakina Saul ka Yonasan abukor ŋaokot a ŋimoe kec, nyikwaŋakina ikes apokonor ŋarwonita. Nyinyakara Yonasan ŋikaleŋeleŋe keŋ nyeara ituŋanan, kori nyinyakara Saul ekileŋ keŋ nyeara ituŋanan.

1 Ŋakiro a ŋirwa 1:44

Ani etwani Bela, toruwor Yobab lokoku a Sera ŋolo abunit alo Bosira erwosit ke Edom.

Ŋikiru. 137:7

Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

Isa. 29:2

Kikote neni daŋ esicani ayoŋ Ariel, eyakaun nen akigworo ka akiwolol, ikwaanikin Yerusalem aneni kaŋ ka Ariel.

Isa. 34:5

Kedau Ekapolon amunyar ŋiboro ŋulu alokidiama, kiŋolik atemar etemokin, kiirasi, etiyaun iŋes Edom, neni a ŋituŋa a ŋulu adau Ekapolon atubokin atemar tomunyarae.

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Isa. 63:3

“Adau ayoŋ bon akipuda epiini, mam alotuŋa a ŋakwapin ŋini ikirukit ka ayoŋ; abu ayoŋ epuda ikes anaŋoit kaŋ abu ayoŋ epuda ikes ananyunyura kaŋ, apotu ŋaokot kec kiteranakin lolowi kaŋ ka apotu kitereŋa ŋilowi kaŋ.

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Yer. 46:10

Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Yer. 49:13

Adau ayoŋ elope akikoŋ atemar eruwor Bosira etaun ŋolo inyasuna ka ŋolo ejamuwaritae, eruwor ecaryoit ka ŋolo isitiyaete ŋituŋa akicenio ŋuluce, eruworosi ŋitaunio keŋ daadaŋ ŋicaryo ŋikaru ka ŋikaru.”

Yer. 49:7

Alimu Ekapolon ŋolo a ŋajoresyo ŋakiro nu aŋuna ke Edom, “Nyeriŋa mono aosou eyai lotuŋa ŋulu a Teman a? Adaun mono ŋakitatameta aneni a ŋikaosok a? Aŋopiya mono aosou kec a?

Yer. 50:27

Toara ŋasigarya keŋ daadaŋ torikosi ikes neni eŋolere. Acakec, adolu akoloŋit kec, adolu apaki ŋina ka akisicanio kec!

Yer. 51:40

Arikori ayoŋ ikes neni eŋolere, lopite ŋolo erikorere ŋikaalei akiŋol, lopite ŋolo erikorere ŋimeesekin ka ŋamee akiŋol.

Esek. 21:10

epenar ekileŋ aŋuna ka aarya, apwasi, ipareo ikwa akimilyaunet! Alipite ikiryamunia iwon alelyanu? Idaut iyes ŋituŋa kaŋ ajamuwar ekepukan ka daadaŋ ŋuna ikilimokinitae iyes akiwuap.

Esek. 35:15

lopite ŋolopei ibunio iyoŋ tolelyan aŋuna abunio akwap a Ŋisirael toruwor akoŋinait, aŋun, etiyakini ayoŋ neni kon ŋuna ikitisilunete iyoŋ. Iruwor iyoŋ ekoŋinait, iyoŋ emoru Seir ka akwap a Edom daadaŋ. Eyenunete nai ŋituŋa daadaŋ atemar arae ayoŋ Ekapolon.”

Esek. 35:8

Etubutari ayoŋ ŋawat a ŋikatwak ŋikamukumukui a akwap a Seir, imasakinosi ŋulu earyo kidiama ŋikamukumukui a akwap a ŋin, tooma ŋakadipaalae a akwap a ŋin ka nayona daadaŋ ŋuna aŋakipi anakwap a ŋin.

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.

Ŋikis. 32:41

ani epenari ayoŋ ekileŋ kaŋ ŋolo imilya, otubok ŋituŋa, enyaŋi ayoŋ ŋakiro a ŋimoe kaŋ, ido esican ŋulu akaremokino ayoŋ.