Isa. 34:4 - Ebaibul

⁴ Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Isa. 34:4 Iomraidhean Croise

Isa. 13:10

Akoloŋit ŋin, nyecaunete ŋitopon ka ŋikacer iryonuni akoloŋ apaki ŋina elomunia, nyecauni elap.

Isa. 13:13

Aŋun, etamaranikini ayoŋ kidiama ka emaranikini akwap anakisyakinet keŋ aŋuna ka anyunyura a Ekapolon a ŋolo a ŋajoresyo itiyakin ŋun akoloŋit ŋina ka aŋoit keŋ a ŋina adedeŋan.

Isa. 14:12

“Icakun iyoŋ alokidiama okoe erwosit a Babilon, iyoŋ ŋolo ibu kileereu ikwa etop naparan, kori ikwa etop ŋolo ka akiwalaret! Ikituruwor iyoŋ ekoŋinait, iyoŋ ŋolo ibu kilou ŋakwapin!

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Yoel 2:10

Iryaŋiryaŋakin akwap eapuuni iŋes, emaranikini kidiama, iryokiata akoloŋ ke elap, nyecaunete nabo ŋikacer.

Yoel 3:15

Isiryonio akoloŋ ke elap, ido nyecaunete ŋikacer.

Mat. 24:29

“Ani elunyari ŋican ŋulu a ŋirwa a ŋul, iryoniar akoloŋ, nyecauni elap, ecakunosi ŋikacer anakuj, nabo emaranikinete ŋisubuna daadaŋ ŋulu alokidiama.

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋibur. 12:27

Isileereunito ŋakiro ŋuna ebookoi “Apeikitamaranikinet” ebe itamaranikinio ka elemaryo ŋisubuna daadaŋ, ikotere nai idoŋi ibore daadaŋ ŋini nyepedoryo akitamaranikin.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 6:12

Ani eŋaari Imesek akipucet ŋina a ŋakanikapei, abu oanyuwa akwap emarani nooi ka kiryoniar akoloŋ cuc ikwa ŋatotol, toreŋiar elap puu ikwa ŋaokot.

Akis. 8:12

Abu emalaika ŋolo a ŋiomwon tokutak arupepe keŋ. Aponi atutubet apei ŋina ka akoloŋ alotooma ŋunauni kinyasunae; kinyasunae atutubet apei ŋina ke elap daŋ alotooma ŋunauni, kinyasunae atutubet apei ŋina a ŋitopon daŋ alotooma ŋunauni. Aŋun, kiryoniar atutubet apei alotooma ŋatutubeta kec ŋunauni. Aponi kisiryonae atutubet apei alotooma ŋunauni ŋuna ka apaaran; ikwaŋinapei, aponi kisiryonae atutubet apei alotooma ŋunauni ŋuna ka akuwar.