Isa. 34:2 - Ebaibul

² Eŋoikinit Ekapolon ŋituŋa a ŋakwapin a daadaŋ, elilit iŋes a ŋuna a ŋasigarya a daadaŋ aŋuna idyasito ikes; emunyari jik iŋes ikes, ido ipotori ikes tomunyarae.

Isa. 34:2 Iomraidhean Croise

Ŋikiru. 2:5

Iŋenyakini nai Ekapolon ikes anaŋoit, ido itubuli ikes ananyunyura keŋ tema,

Awos. 8:14

Totukonokis ŋituŋa ŋakidodoka ŋuna apotu kitobosut akwap ŋin tul.

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 13:5

Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 26:20

Potu ŋituŋa kaŋ, tolomasi nagulei kus, togolokis ŋikekya kus kidaut alomar tooma, toŋopa apaki adio akitodol ŋina edaunor anyunyura ŋina ka Akuj.

Isa. 30:25

Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 63:6

Abu ayoŋ epudaa ŋituŋa anaŋoit kaŋ, abu ayoŋ elou ikes ananyunyura kaŋ, obukok ŋaokot kec nalup.”

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Isa. 66:16

Anatubokin a ŋina ke Ekapolon, isicani iŋes ka akim ka ekileŋ ŋituŋa daadaŋ ŋulu eryamuni esecito, elalaketa ŋulu eari Ekapolon.

Yer. 25:31

Iiraryo ecelet a Ekapolon alowaetin a daadaŋ a ŋulu ka akwap, anerae eyakar Ekapolon akisitakinet neni a ŋituŋa a ŋakwapin. Ebunit iŋes akitub ŋakiro a ŋituŋa a daadaŋ, ido totubok atwanare neni a ŋulu iilit aŋuna itiyatotor aronis.’ ”

Yer. 25:32

Alimu Ekapolon ŋolo a ŋajoresyo ebe, “Kiirasi, elosete ŋican anakwap a apei, kiroposi nakwap ŋinace ka ebunit ekuwuam ŋolo agogoŋon anakisaleta a akwap!

Yer. 25:33

“Epetakin ŋawat a ŋituŋa a ŋulu eari Ekapolon kwap, ameun a epeiwae akisalet a akwap tari ŋoloce nyigworyo ŋituŋa ŋul, kori nyecunakinio, kori nyenukyo, imyekinio ikes a nen kikwaanikinos ka aoret alokidiama ŋalup.”

Esek. 36:5

Alimu tokona Ekapolon Akuj ebe, ‘Erworo ayoŋ anaŋoit kaŋ aŋina alilitor nooi emanit ŋakwapin ŋunace ka emanit Edom ŋina apotu ŋituŋa keŋ alotooma aleleyanu ka ajamuwarit kikamasi akwap kaŋ toruwor ŋina kec aŋuna ka aŋatar ŋadakarisinei keŋ.’

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Sakar 14:3

Ebuni nai Ekapolon alosit akitijiore ŋakwapin ŋun, lopite ŋolo sek abunio iŋes akitijio ŋimoe keŋ.

Ŋirom. 1:18

Itoodiunitae anyunyura ŋina ka Akuj anakuj nasecit ka naronis daadaŋ ŋina a ŋituŋa. Iretakinito ŋipitesyo kec ŋulu aronok ikes ayenun ŋuna a kire;

Yos. 11:20

anerae arae Ekapolon iŋes abu kitogogoŋ ŋakyes kec, ikotere imukekinete akitijiore Ŋisirael, ido tomunyarae jik nyisyoni tari ipei, nai tolemarae jik anakwap lopite ŋolopei ecikitor Ekapolon Moses.

Akis. 20:15

Ituŋanan ŋini pa ayai ekiro keŋ lokitaabo ŋolo ka akiyar, aponi kimasakinae nanam ŋina ka akim.

Akis. 20:9

Kielakin ikes akwap daadaŋ kirikaut akibois ŋina a ŋituŋa a ŋulu ka Akuj ka etaun ŋolo apolon ŋolo emina Akuj. Nai bu akim anakuj, tonyamuwa ikes.