Isa. 34:16 - Ebaibul

¹⁶ Kiwara ka tosyoma alokitaabo a Ekapolon ŋakiro nu: Mam ipei daŋ a ŋikyeny a ŋul ŋini emamukaun, mam ŋini nyeyakaun emam ŋiniberu ka ŋinikile. Adau Ekapolon alimun ŋun ka adau etau keŋ acunun ikes.

Isa. 34:16 Iomraidhean Croise

Akisy. 6:17

Kiira! Eyakuuni ayoŋ akalele nakwap, ikotere emunyari ŋituŋa ŋulu eriŋa eyarete daadaŋ, etwani ibore daadaŋ ŋini eyari anakwap.

Ŋikiru. 33:6

Abu Ekapolon tosub nakuj a akirot a ŋina alimuni iŋes. abu Ekapolon tosub ibore daadaŋ ŋini eyai kidiama a ŋakiro a ŋuna alimuni iŋes.

Ŋikiru. 33:9

anerae abu iŋes kirworik, ido abu akwap toyakaun; abu iŋes tolimu ŋakiro, ido abu ŋinibore toyakaun.

Ŋakit. 23:12

Inakin alotau kon akiwuap ŋakiro ŋuna ikitatamio, inakin akiirar ŋakiro ŋuna ka aosou.

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 21:17

ekudyokunete ŋikajiok a Kedar ŋulu ejiete a ŋikaleŋeleŋe. Ekapolon Akuj a Ŋisirael adau alimun ŋun.”

Isa. 30:8

Tolot tokona, kigir ŋakiro nu alokiŋaren kec namoru ŋinadapal, kigir ikes lokitaabo, ikotere eruwor ŋuna a ŋapakio a ŋuna eponito ka eruwor esuuda ŋolo a ŋikaru ka ŋikaru;

Isa. 40:26

Kireosi kidiama kiŋolikis neni ikoni. Ŋae asubuni ŋiboorei daadaŋ ŋulu eya kidiama? Erae Akuj ŋina iwuakinit ikes esibit ŋajoresyo ka eyeni ekimar kec, enyarit ikes daadaŋ a ŋirorwa kec; anerae egogoŋ iŋes nooi, eyakar apedor ŋina etiron, mam ibore ipei daŋ ŋini icana iŋes.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 58:14

ŋun nai ilelyaniata iyes aneni a Ekapolon, ido eketopoloori ayoŋ iyes akilo ŋituŋa daadaŋ anakwap, akainakini ayoŋ iyes ŋarereŋisyo a papaa kus a Yakob. Adau Ekapolon alimun ŋakiro ŋun.

Dan. 10:21

Nai akalimokini ayoŋ iyoŋ ŋakiro ŋuna igiritae lokitaabo ŋolo a ŋakiro a ŋuna a kire. Mam ice ekeŋarakini ayoŋ akitijiore ŋikapolok ŋul mati Mikael bon ŋolo erae ekapolon kon.”

Amos 3:7

“Kire, nyitiyakini Ekapolon Akuj ŋadikiro nyisileerekino neni a ŋiketiyak keŋ a ŋikadwarak ŋuna imunono ŋuna eyeunit iŋes akitiya.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

Mat. 5:18

Akalimokini ayoŋ iyes kire atemar, mati kesalu nakuj ka akwap, emam enyukuta kori akirot adio cici ŋina ikisaryo a Lokisila, mati kirikakin ŋakiro daadaŋ.

Luk. 21:33

Edaunosi nakuj ka akwap, nai nyedaunosi ŋakiro kaŋ jik.

Yoa. 10:35

(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.

Yoa. 5:39

Isyomete iyes Ŋakigireta ibasi kori iryamunete akiyar ŋina nyedaun alotooma kec, torae bo ŋakiro ŋuna akayenunere ayoŋ ikes igiritae Nakigireta ŋunapei ŋun!

Ŋikis. 31:21

Ani etakanunete neni kec ŋican ŋulu alalak ŋulu apipilak, isitakinete ŋakiro a eete a lo ikes, anerae nyimuryakini ŋiletok kec eete lo. Ayeni ayoŋ tari ŋuna ecamito ikes akitiya tari tokona eriŋa ayoŋ nyeyauna ikes nakwap ŋina abu ayoŋ eik ikes anakikoŋ.”

Yos. 1:8

Kiricakinite asyomenen apaki ŋina ilipyata iyes ŋuna igiritae lokitaabo ŋolo a Ŋikisila, toruwor ikes itami iyoŋ apaaran ka akuwar, ikotere imukekini akiwuapit ŋuna daadaŋ igiritae lokitaabo ŋol. Alopite a ŋol, erereŋior erot kon, topedo akitiya ŋuna ilosikinit.

2 Pet. 1:19

Aŋun, eyatakin nabo akilo ayenut kosi atemar erae ŋakiro ŋuna a ŋikadwarak ŋuna a kire. Ejok nooi erae kiricakis iyes ŋakiro ŋun, anerae ikote ikes etaa ŋolo inwakunit neni iryono tari neni iwalaria akwap, tocaik akica ŋina ke etop a ŋolo ka ataparacu ŋitai kus.