Isa. 34:1 - Ebaibul

¹ Okoe ŋituŋa a ŋakwapin, toapuutu kiirasi, okoe ŋituŋa topupokisi! Emaikina akwap kiira ka ŋinibore daadaŋ eyai nakwap; emaikina akwap kiira ka ŋinibore daadaŋ ŋini elomununui alokwap.

Isa. 34:1 Iomraidhean Croise

Akisy. 6:13

Tolimok Akuj Noa tema, “Adau ayoŋ atubun amunyar ŋituŋa daadaŋ anakwap, anerae eelakis ŋituŋa aryenyeo nakwap; nai tokona, amunyari ayoŋ ŋituŋa kaapei ka akwap.

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 50:1

Akuj Ekapolon ŋolo etiron, iŋes irworo enyarit akwap daadaŋ ŋinapei alo Kide tari To.

Ŋikiru. 96:10

Tolimokisi ŋakwapin daadaŋ ebe, “Erae Ekapolon Erwosit! esubunitae akwap egogoŋ nooi, emam ŋini epedori akisiyotokin; etubokini Ekapolon ŋituŋa alotooma akiyookino.”

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 33:13

Iyes ŋulu iboiyete aneni alwanan, kiirasi ŋakiro ŋuna adau ayoŋ akitiya ka iyes ŋulu iyapiyete toyenutu agogoŋ kaŋ.

Isa. 41:1

Ebala Akuj ebe; “Okoe ŋituŋa ŋulu iboiyete alodiyete anam, kililiŋa, topupokinae ayoŋ. Emaikina ŋituŋa toryamut agogoŋu kec nabo; emaikina ikes potu kiŋaren kaŋ, ido kirworo; emaikina iwon oyakaun kaapei neni etubere ŋakiro.

Isa. 43:9

Emaikina ŋituŋa a ŋakwapin tocunakinos kaapei, emaikina ŋituŋa tocunakinos. Ŋae alokidiŋ kec abu tolimu ŋakiro nu ka todwar neni yok ŋakiro ŋuna alunyar? Emaikina ikes yaut ŋisuudae kec toyenunere atemar iyookino ikes, emaikina ikes kiirasi, ido temasi, “Erae ŋakiro nu ŋuna a kire.”

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Isa. 49:1

Iyes ŋituŋa ŋulu iboiyete anakwapin a ŋuna idunyito anam, kiirasi ŋakiro kaŋ, iyes ŋituŋa ŋulu iboiyete anakwapin a ŋuna alwanak, topupokisi! Abu Ekapolon okonyarau ayoŋ eriŋa ayoŋ nyeuruuna, apaki ŋina ariŋaakar ayoŋ ayai nakook a toto kaŋ, abu iŋes okolimok ayoŋ ekiro.

Isa. 63:1

“Ŋae ŋin ŋini ebunit alo Edom, ŋini ebunit alo Bosira enapit ŋilowi ŋulumeriyek areŋak? Ŋae ŋin ŋini enapit ŋilowi ŋulu amilimilak ŋin, ŋini elosi ka apolou a ŋina etiron” “Erae ayoŋ Ekapolon erworo ŋuna ka akinyaŋaro, ayakar apolou ŋina ka ayaun aiuno.”

Yer. 22:29

Okoe akwap, akwap, akwap, kiira ŋakiro a Ekapolon.

Yer. 49:7

Alimu Ekapolon ŋolo a ŋajoresyo ŋakiro nu aŋuna ke Edom, “Nyeriŋa mono aosou eyai lotuŋa ŋulu a Teman a? Adaun mono ŋakitatameta aneni a ŋikaosok a? Aŋopiya mono aosou kec a?

Esek. 38:17

“Alimu Ekapolon Akuj atemar, meere mono iyoŋ erworo ayoŋ ŋakiro kon paaran aneni a ŋiketiyak kaŋ a ŋikadwarak alo Isirael a? Apotu ikes ŋirwa ŋul todwara ŋakiro alotooma ŋikaru ŋulu alalak, tolimut atemar akayauni ayoŋ iyoŋ akirem Ŋisirael.

Obad. 1:1

Erae nu ŋakiro ŋuna abu Obadia todwar, ŋuna abu Ekapolon ŋolo Etiron kirwor aŋuna ke Edom; adaun isua akiirar ŋakiro aneni ka Akuj, ido eyakiyar ekiyakia nakwapin alimokin ŋakwapin ebe, “Tonyoutu! Emana akwap ke Edom, etijioto!”

1 Ŋikor. 10:26

Anerae igiritae Nakigireta ebe, “Erae akwap ka ŋiboro daadaŋ ŋulu eya tooma keŋ ŋulu ke Ekapolon.”

Ŋikis. 32:1

Okoe kidiama, topupok, ido erwor ayoŋ, okoe akwap kiira ŋakiro ŋuna erworo ayoŋ.

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Akis. 2:7

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini apedor ŋinakimujet arait ŋina ke ekitoe a ŋolo ka akiyar, a ŋolo eyai lomanikor ŋolo ka Akuj.”

Ŋikat. 5:3

Kiirasi iyes ŋirwosi; topupokisi iyes ŋikapolok, aeikini ayoŋ neni ke Ekapolon, aeikini ayoŋ eete neni a Ekapolon Akuj a Ŋisirael.

Ŋikat. 5:31

Okoe Ekapolon, elipi tomunyaros ŋimoe kon daadaŋ lopite ŋol! Nai elipi kiyata agogoŋu a ŋituŋa a ŋulu ikiminasi iyoŋ, lopite ŋolo iyatar amwanis elomuni akoloŋ.” Abu akwap kieŋa ejie ŋikaru ŋatomoniomwon.