Isa. 33:9 - Ebaibul

⁹ Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 33:9 Iomraidhean Croise

Yob 15:33

Ikwaanikin ikes ka ekitoe a epiini ŋolo eraraun ŋaraito keŋ eriŋa nyekoko, ikwaanikin ikes ka Olipa ŋolo eraraun ŋatur keŋ kwap.

Eete a Ŋie. 2:1

Ikwaan akibuses kaŋ ka ŋina a ŋatur a ŋuna eyakasi nadipo ŋina enyaritae Saran, ikwaan ŋin ka aturot a ecomocomo a ŋolo eyai nakadipaalae.

Isa. 10:34

Emunyari Ekapolon ikes lopite ŋolo eyepakinere kwap a aep amoni ŋina isijija, ilouni Ekapolon ŋolo etiron ŋituŋa a Lebanon.

Isa. 14:8

Elelyanete ŋikito a Lebanon ŋulu enyaritae Cipres ka Cedar aŋuna elounere erwosit, anerae mam ituŋanan nabo eyepakini ikes kwap ikwapei nyeriŋakar iŋes ipukat.

Isa. 2:13

inyasuni Ekapolon ŋikito a Lebanon daadaŋ ŋulu enyaritae Cedar, ŋulu aoyak ka ŋulu ituritoe, ta ŋikuyono daadaŋ ŋulu a Basan,

Isa. 24:1

Apuu Ekapolon tokona akinyasun akwap kituruwo ekasile, ebuburiyari iŋes akwap kielielaa ŋituŋa ŋulu eya nakwap.

Isa. 29:2

Kikote neni daŋ esicani ayoŋ Ariel, eyakaun nen akigworo ka akiwolol, ikwaanikin Yerusalem aneni kaŋ ka Ariel.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Isa. 65:10

Eruwor Saron neni edakasi ŋamesekin ka eruwor akadipaalat ka Acor neni euryaketa ŋisipanin a ŋaatuk, anerae apotu ŋituŋa kaŋ ekewara ayoŋ.

Yer. 50:19

Enyakuni ayoŋ Ŋisirael nakwap kec, eryamunete ikes akimuj alo Karimel, alo Basan ka alokamukumukui a Epuraim, imwokete ikes alo Gilead.

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Amos 1:2

Tema Amos, “Ipopolae Ekapolon alo Sion, egiro etoil keŋ alo Yerusalem; aoko ŋinya aneni edakasi ŋibaren. aoko alomoru Karimel.”

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Naum 1:4

Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

Ŋitic. 9:35

Toanyuwasi ŋituŋa daadaŋ ŋulu aya Lidda ka Saron iŋes eŋale; kibelekinos, tonupa Ekapolon.

Ŋikis. 3:4

Apaki ŋin aponi iwon kikamarae ŋitaunio keŋ daadaŋ a mam aduketait ŋinakirereet ŋina aponi iwon nyikamar aneni kec. Aponi iwon kikamarae ŋitaunio ŋatomonikanikapei, akwap daadaŋ ŋina ka Arigob ka akwap ŋina epukat Og alo Basan daadaŋ.