Isa. 33:6 - Ebaibul

⁶ Iŋes ikiinakini iyes alorwa kus akiboi emam ŋace, iŋes ikiinakini iyes alakuno ŋina alalan, aosou ka ayenut; ibore ŋini iwuakinito ŋituŋa a Sion lotai kec nooi erae akitopoloorit Ekapolon.

Isa. 33:6 Iomraidhean Croise

2 Ŋirw. 18:7

Arukito Ekapolon ka iŋes. Ŋuna daadaŋ abu kitiya, abu kitiya ejok nooi. Abu Esekia toŋer erwosit ŋolo ka Asiriya towou daŋ akitiyanakin iŋes.

Yob 4:6

Meere mono akitopoloorit Akuj iŋes ikinyomit iyoŋ ka meere mono akiyookino aloticisyo kon igeno iyoŋ a?

Ŋikiru. 140:7

Okoe Ekapolon, Ekapolon kaŋ, ekalakunan kaŋ ŋolo agogoŋon, ibu itoiu ayoŋ nyewana akoloŋit ŋina ke ejie.

Ŋikiru. 28:8

Ekapolon iŋes erae agogoŋ a ŋituŋa keŋ; iŋarakini ka eiuni iŋes erwosit ŋolo abu iŋes toseu.

Ŋikiru. 45:4

Alotooma ailiil kon tome aŋole irae ŋolo elounan, aŋuna ka akitogogoŋ ŋuna a kire ka akitub ŋakiro anakiyookino; irae iyoŋ erwosit ŋolo igogoŋ ka itiyae ŋiticisyo ŋulu ka aumokin.

Ŋakit. 14:24

Ebari iŋes eruwor eropit a ŋikaosok, nai abaŋao a ŋibaŋaanotin eruwor ŋina eyenere ŋibaŋaanotin.

Ŋakit. 14:26

Ani itopoloorit ituŋanan Ekapolon, eryamuni atitinyu ŋina nyiryaŋiryaŋa, ido eryamunete ŋidwe a ituŋanan a ŋin neni eiunotor.

Ŋakit. 14:27

Erae akitopoloorit Ekapolon eitanit ŋolo ka akiyar, ikotere nai ituŋanan eŋeri ŋakiro ŋuna eyaunete atwanare.

Ŋakit. 15:16

Ejok ayakau ka ibore idio cici kitopoloorite Ekapolon, akilo ayakau ka ebari toyai locan.

Ŋakit. 19:23

Erae akitopoloorit Ekapolon akiyar kire jik, ani kileleba neni a ituŋanan akitopoloorit Ekapolon, erae ituŋanan ŋin ŋini eiuna, emam nabo ŋican eryamuni iŋes.

Ŋakit. 2:5

nen nai iyenunia iyoŋ akitopoloorit Ekapolon ka nen iryamunia iyoŋ aosou ŋina ka Akuj.

Ŋakit. 28:2

Ani kiguryasi ŋituŋa anakwap kec, elalak ŋikepukak anakwap kec, nai ani keyakar akwap ekepukan ŋolo aoson, eyakaun nakwap ŋin apuponor ŋinaruba.

Ŋakit. 29:4

Ani kipuka erwosit akwap keŋ anakiyookino, itogogoŋi akwap keŋ, nai ani kemina iŋes ŋakaluŋuluŋui, ikurukuroori akwap keŋ todaun.

Ekal. 7:12

Erae aosou ibore ŋini ikiuni lopite ŋolo epedoryata ŋisiliŋa aiun, nai ajokis ŋina ka aosou iŋes na, iyokuuni aosou ituŋanan ŋini eos.

Ekal. 7:19

Einakini aosou agogoŋu neni a ŋini eos, ido iloi ŋin tari ŋikepukak ŋitomon ŋulu eya lotaun.

Isa. 11:9

Alomoru kaŋ a ŋolo asegan, mam nyearasi kori nyewanasi ikes, anerae ilelebikin lotuŋa daadaŋ aosou ŋina ke Ekapolon, lopite ŋolo ilelebakatar ŋakipi nanam.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 32:17

Elomuni ekisil anakiyookino ka elomuni akiyapara ka akikinyoma ŋina a ŋikaru ka ŋikaru anakiyookino.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 33:20

Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 51:14

Elakunio atipei ŋulu isicanitae, nyetwakete ikes ka nyelomarete nakipany, kori nyicanakinosi akimuj.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Abak. 2:14

Nai ilelebun nakwap aosou ŋina ka apolou ke Ekapolon, lopite ŋolo ilelebakatar ŋakipi anam.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

1 Tim. 6:6

Kire, einakini edin ituŋanan aryamun epoida erae kecamu iŋes akimwonikina a ibore a ŋini eyakar.