Isa. 33:5 - Ebaibul

⁵ Itopolooritae Ekapolon, iboi iŋes alokidiama; elelebik iŋes Sion akitub ŋakiro anakiyookino ka elelebik akiyookino.

Isa. 33:5 Iomraidhean Croise

Ŋikiru. 118:16

Ikidau iwon akiloun alotooma apedor keŋ; etiya apedor ke Ekapolon ŋina etiron ŋakiro ŋuna ka aumokin!”

Ŋikiru. 123:1

Neni kon Ekapolon erereunit ayoŋ, neni kon a ŋolo ipukat anakuj.

Awos. 15:1

Apotu nai Moses ka Ŋisirael toeikis eete lo neni ke Ekapolon temasi: “Aeikini ayoŋ neni ke Ekapolon, anerae itopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec Nanam.

Awos. 15:6

Okoe Ekapolon, akan kon teten iŋes etoodiu apedor ŋina apolon nooi. akan kon teten iŋes abu kiela ŋimoe.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Isa. 12:4

Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 28:6

einakini etau ŋolotubet ŋakiro anakiyookino neni a ŋini etubi ŋakiro ka agogoŋu neni a ŋulu ebwaŋete ŋimoe alopuke apaki ŋina ke ejie.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 32:1

Topupokisi, ebuni erwosit ŋolo ipukae a akiyookino ka ipukaete ŋikapolok a akiyookino.

Isa. 33:10

Irworo Ekapolon ebala, “Anyouni tokona ayoŋ, eketuruworyo tokona ayoŋ Ekapolon, eketopolooryo tokona ayoŋ.

Isa. 33:4

Aponi tocunakinae ŋiboro ŋulu aŋataritae lopite ŋolo ecunakinor emaase, apotu ŋituŋa toŋatasi ŋiboro ŋul todaun lopite ŋolo irikarya emaase ibore.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Isa. 52:1

Okoe ŋituŋa a Sion, tonyoutu, tonyoutu kitoodiutu agogoŋu kus! Okoe ŋituŋa a Yerusalem, a etaun a ŋolo asegan, tonapa ŋilowi kus ŋulu ebusak, anerae nyeriŋa ŋituŋa ŋulu nyesegak, ŋulu nyileŋeritae elomunete lotaun kus nabo.

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 60:21

Eruworosi ŋituŋa kus ŋulu iyookino; ituruworete ikes akwap ŋina kec ŋikaru ka ŋikaru. Erae ikes ŋaten ŋuna abu ayoŋ etolomu, erae ikes etic ŋolo a ŋakan kaŋ, ikotere ayoŋ epedoryo akitopoloor.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 31:23

Alimu Ekapolon ŋolo a ŋajoresyo, Akuj a Ŋisirael ebe, “Apaki ŋina enyakunia ayoŋ ŋituŋa kaŋ nakwap kec, elimunete nabo ikes ŋakiro nu anakwap a Yudaya ka alotaunio a Yudaya ebe, ‘Ikilipi kiterereŋ Ekapolon ekamukumukut a Yerusalem ŋolo asegan, akibois ŋina asegan ŋina iboiyo iŋes.’

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋirom. 3:26

Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.