Isa. 33:3 - Ebaibul

³ Apotu ŋituŋa toema apaki ŋina icelunia iyoŋ, apotu ŋituŋa a ŋakwapin kielar alokiŋaren ailiil kon.

Isa. 33:3 Iomraidhean Croise

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Ŋikiru. 59:11

Nyiar ikes Akuj, anerae acepaki ejoŋoete ŋituŋa kaŋ atamunit epite ŋolo isicania iyoŋ ikes; anapedor kon, kimyek ikes kirimo akwap, ido kituruwo ikes ŋicaryo, okoe Ekapolon ekeyokon kosi.

Ŋikiru. 68:2

Kirita ikes nariet lopite ŋolo ekutarya ekuwuam apuru nariet; kimyek ŋulu aronok todaunos alokiŋaren kon Akuj lopite ŋolo etalarya amanok anakim todaun.

Isa. 21:15

anerae amotunosi ikes aŋuna acamitere akiar, acamitae ikes akiar a ŋileŋia a ŋulu aris kelemun anakuraroi, acamitae ikes akiar a ŋikaleŋeleŋe a ŋulu aris kiketakin ŋakawo kec. Emotuno ikes aloupanu a ŋolo ke ejie.

Isa. 33:4

Aponi tocunakinae ŋiboro ŋulu aŋataritae lopite ŋolo ecunakinor emaase, apotu ŋituŋa toŋatasi ŋiboro ŋul todaun lopite ŋolo irikarya emaase ibore.

Yer. 25:30

“Aŋun, idwari iyoŋ neni kec ŋakiro nu daadaŋ, ido tolimok ikes ebe, ‘Egirokini Ekapolon alokidiama ka irworikini anakibois keŋ a ŋina asegan, egirokini iŋes nooi imanit ŋituŋa keŋ, eceluni lopite ŋolo ecelatar ŋituŋa ŋulu ecuyete epiini, eceluni imanit ŋituŋa ŋulu iboiyete anakwap.

Yer. 25:31

Iiraryo ecelet a Ekapolon alowaetin a daadaŋ a ŋulu ka akwap, anerae eyakar Ekapolon akisitakinet neni a ŋituŋa a ŋakwapin. Ebunit iŋes akitub ŋakiro a ŋituŋa a daadaŋ, ido totubok atwanare neni a ŋulu iilit aŋuna itiyatotor aronis.’ ”