Isa. 33:22 - Ebaibul

²² anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 33:22 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Neem. 10:14

Ŋikarikok a ŋituŋa ikes lu: Paros, Paas-Moab, Elam, Satu, Bani,

Ŋikiru. 44:4

Irae iyoŋ erwosit kaŋ ka Akuj kaŋ, iinanakini iyoŋ ŋituŋa kon akiloun ŋimoe kec.

Ŋikiru. 44:5

Napedor kon iŋes ikibwaŋia isua ŋimoe kosi; napedor kon iŋes ikimunyarya isua ŋimoe kosi.

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Ŋikiru. 74:12

Torae bo iyoŋ Akuj erwosit kaŋ ŋinapei koloŋ, idau iyoŋ akiŋarakin isua akiloun ŋimoe kosi anakwap kosi.

Ŋikiru. 75:7

Nai Akuj bon eyakar apedor akitub ŋakiro, iŋes ituruwori ice icaryoit ka kitopoloo ice.

Ŋikiru. 89:18

anerae neni kon Ekapolon eryamunere isua aiuno. Iyoŋ Akuj ŋina asegan, ŋina a Ŋisirael irae erwosit kosi.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 16:5

eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 24:23

Ereŋuni elap puu ka iryoniar akoloŋ cuc; anerae Ekapolon ŋolo a ŋajoresyo iŋes ipukae alomukura Sion ka alo Yerusalem, ido itoodikini iŋes apolou keŋ neni a ŋikapolokinitok a ŋituŋa.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 33:17

Iŋolikinete iyes akibuses ŋina a erwosit, iŋolikinete iyes akwap ŋina emyaarit neni alwanan.

Isa. 35:4

Tolimokisi ŋulu ekuryaka alotai kec ebe, “Togogoŋ, nyikuryaketa! Ebuni Akuj kus; ebuni iŋes akinyaŋar, inyaŋi iŋes ŋakiro kus enyunyura nooi, ebuni iŋes aiun iyes.”

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 41:21

Alimu Ekapolon ebe, “Potu, tolimutu ŋakiro ŋuna idyekanarotor iyes. Alimu erwosit a Yakob ebe, ‘Tolimutu ŋakiro ŋuna isitatar iyes,

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 51:4

Okoe ŋituŋa kaŋ topupokisi ŋakiro kaŋ, okoe ŋituŋa a akwap kaŋ, kiirasi ŋakiro kaŋ; alosi ayoŋ akitatam iyes ŋikisila, eruwor akitub kaŋ ŋakiro anakiyookino ŋina eyauni akica nakwapin.

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 60:16

Ikitanete iyes ŋituŋa a ŋakwapin lopite ŋolo itanakia toto ikoku. Ikitanete iyes ŋirwosi, ido iyenunete iyes atemar ayoŋ Ekapolon arae ekaiunan ka ekalakunan kus, Akuj ŋina etiron ŋina a Yakob.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 21:5

“Tolimokisi ŋituŋa a Sion atemar, kiŋolikisi, ebunit Erwosit neni kus! Itiditeuna iŋes ka edokit isigirya, itaok ŋini ka asigirya.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Luk. 2:11

Anerae nakuwar na, edoun Ekaiunan kus alotaun a Daudi--Kristo ŋolo erae Ekapolon!

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

Yak. 4:12

Akuj bon iŋes erae ekainanakinan ŋolo a Ŋikisila ka ekatubon. Iŋes bon epedori aiun ka akinyasun. Nai ŋae iyoŋ itubonokini ekidunyet kon?

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

1 Sam. 12:12

Nai ani iŋolikinete iyes erwosit Naas ŋolo a Ŋiamoni ebuni akirem iyes, ipotu iyes toŋero Ekapolon aruwor erwosit kus, ido itemasi neni keŋ, ‘Itemokino ikipuka isua erwosit.’