Isa. 33:20 - Ebaibul

²⁰ Kiŋolikisi Sion, etaun ŋolo ikisekinitae iwon akitiya ŋasuban yok. Iŋolikinete iyes Yerusalem, a akibois akwap ŋina ajokan akiboiyo, ikwaan Yerusalem ka eema ŋolo nyelemaryo aneni edupakinitae, ŋolo nyeditaryo ŋases keŋ, ŋolo nyeŋedeŋedeo ŋaunoi keŋ.

Isa. 33:20 Iomraidhean Croise

Ŋikiru. 128:5

Elipi ikiterereŋ Ekapolon iyoŋ alo Sion; ikotere toanyu ebari a Yerusalem ŋirwa daadaŋ ŋulu ka akiyar kon.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Ŋikiru. 46:6

Ecelasi ŋakwapin, emaranete ŋapukasinei; iretununui Akuj, ido toli akwap.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 33:6

Iŋes ikiinakini iyes alorwa kus akiboi emam ŋace, iŋes ikiinakini iyes alakuno ŋina alalan, aosou ka ayenut; ibore ŋini iwuakinito ŋituŋa a Sion lotai kec nooi erae akitopoloorit Ekapolon.

Isa. 37:33

“Aŋun, ŋakiro ŋuna alimu Ekapolon aŋuna ke erwosit ka Asiriya ikes nu: Nyelomuni iŋes lotaun lo, nyegumuni iŋes ekaleŋeleŋet ne eyakar aupal, kori nyedukokini adoket ne ŋina edokarere lotaun.

Isa. 4:5

Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Isa. 54:2

Tonyaa eema kon, tolalaar neni iboiyo iyoŋ, topeta ŋanaŋgae ŋuna inenosi nakibois ŋina iboiyo iyoŋ, nyimyek ikes ecunakina iwapei, kitayaa ŋaunoi kon ka kitogogoŋ ŋases ŋuna iguritere eema kon,

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Esek. 48:8

Akisyakin anakwap a ekabila a Yuda, alowae a ŋolo alo Kide, tomyaa lowae ŋolo alo To, eruwor nen akwap ŋina emaikina totyakasi, nyiinakis ekabila edio, emaikina aoyau keŋ anakou ka neni iteotor erae ŋakilomitae ŋatomon ka ŋaarei ka atutubet, toriyan aoyau keŋ alosepyon ka ŋina a ŋakwapin a ŋikabilae a ŋuluce, akisyakin alo Kide, tomyaa lowae ŋolo alo To. Emaikina Akai ka Akuj eyai kidiŋ akwap ŋin.

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 16:16

Ŋarwa ŋauni alotooma ekaru emaikina ŋisapa kus daadaŋ potu kiŋaren Ekapolon Akuj kus nakibois ŋina ebuni Ekapolon aseun; ŋarwa ŋun ikes nu: Ŋarwa ŋuna a ŋasuban a ŋuna emam ŋakinyalet, ŋarwa ŋuna a ŋasuban a ŋuna a ŋisabito ka ŋarwa ŋuna a ŋasuban a ŋuna a ŋisakaitei, nyemaikina ikes potu neni a Ekapolon eororete ŋakan, emaikina ikes yaut idiobore.

Akis. 3:12

“Iŋes ŋini ilouni, eturuwori ayoŋ iŋes epir alo Kai ka Akuj kaŋ; nyelomuni nabo iŋes kiŋa jik. Egirakini ayoŋ neni keŋ ekiro ŋolo ka Akuj kaŋ ka ekiro ŋolo ke etaun a ŋolo apolon, Yerusalem ŋolokitete, ŋolo ebunit anakuj aneni ka Akuj kaŋ; egirakini daŋ ekiro kaŋ ŋolokitete neni keŋ.