Isa. 33:2 - Ebaibul

² Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 33:2 Iomraidhean Croise

Ŋikiru. 123:2

Lopite ŋolo eyarikinitotor ŋiketiyak neni ke ekapolon kec, lopite ŋolo eyarikinitor aketiyan neni ka akapolon keŋ, ikirubakini isua ikiŋoliunit neni kon, okoe Ekapolon Akuj kosi, akitodol ŋina ikisyonio iyoŋ isua.

Ŋikiru. 143:8

Kimyekinae ayoŋ a ŋinataparacu eira ŋuna ka amina kon a ŋina nyiryaŋiryaŋa, anerae ekekinyomit ayoŋ iyoŋ. Kitoodikinae ayoŋ ŋuna emaikina ewuap, anerae neni kon iŋes elipi ayoŋ.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 27:1

Ekapolon iŋes akica kaŋ ka aiuno kaŋ, ŋae nai akeri ayoŋ? Neni ke Ekapolon iŋes ayakaun ayoŋ aiuna; ŋae nai akuryaniaror ayoŋ?

Ŋikiru. 33:22

Okoe Ekapolon, ikilipi toyakaun amina kon ŋina nyiryaŋiryaŋa neni kosi, ikwapei tokona ikigenor isua iyoŋ.

Ŋikiru. 37:39

Eiuni Ekapolon ŋulu iyookino ka iyoki ikes anapakio a ŋuna a ŋican.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 60:11

Kiŋarakinae isua anakitijiore ŋimoe kosi, anerae erae akiŋarakinet a ŋituŋa akoŋinait.

Ŋikiru. 62:1

Akuj bon edarit ayoŋ atitinyikinit; neni ka Akuj iŋes aryamunitor ayoŋ aiuno.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋikiru. 90:15

Inakinae isua tokona alakara ŋina alalan, alakara ŋinapei etya akiyaloloŋ ŋina ibu iyoŋ ikiinak isua alokaru a daadaŋ a ŋulu ikiyakar isua locan.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Awos. 14:27

Aŋun, abu Moses kikyaa akan keŋ kidiama Nanam, ani ereŋuni akide iwalari, kilelyakin ŋakipi lopite ŋolopei sek ayakatar nanam. Ani eemete Ŋijipitian alokidiŋ anam aneni aonit, tomunya Ekapolon Ŋijipitian a Nanam.

Isa. 17:10

Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Isa. 26:8

Anakiwuapit ŋikisila kon, ikidarit isua iyoŋ okoe Ekapolon, ekiro kon ka ayenenu kon, iŋes erae akiitanit a akiyar kosi.

Isa. 37:3

Tolimokis ikes Isaya temasi, “Ebala Esekia, erae akoloŋit na ŋina a ŋican ŋina ikitoŋoitere ka ŋina alemarere ajokis, ikwaan ka apaki ŋina edolio ikoku akidoun, nai todaun agogoŋu ŋinakidinyakinet.

Isa. 40:10

Kiirasi, ebunit Ekapolon Akuj ka apedor, ipukat iŋes a apedor keŋ, kiirasi, eyaunit iŋes ŋituŋa ŋulu adau iŋes aiun, eyakasi kiŋaren keŋ ŋituŋa ŋulu adau iŋes aiun.

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 59:16

Abu Ekapolon kiŋolik atemar emam ituŋanan epedori, abu iŋes tonyunyur iŋolikini atemar emam ituŋanan iŋarakini ŋulu isicanitae; aŋun, abu iŋes a apedor keŋ yau aiuno aŋuna keŋ ka abu akiyookino keŋ kiŋarak iŋes.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Yer. 14:8

Okoe iyoŋ irae akigeno a Ŋisirael, ekalakunan kec anapaki a ŋina a ŋican. Kaanukiro itiyaa iyoŋ esibit irae egela anakwap, esibit irae ekaloton ŋolo erii iwace toper nakwaare?

Aum. 3:23

Ikiteteununui Ekapolon ŋun a ŋinataparacu, epol nooi akikinyoma ŋina a Ekapolon.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.