Isa. 33:18 - Ebaibul

¹⁸ Igeunete iyes atamatam ŋuna a ekesicanan a ŋolo paaran, ido temasi, “Ai eyai ŋolo abu kimar? Ai eyai ŋolo epimi ŋisiliŋa ka ocur? Ai eyai ŋolo emari ŋaduketa ŋuna aoyak?”

Isa. 33:18 Iomraidhean Croise

Akisy. 23:16

Tocamunos Aburaam ka Epiron; ido kipimak Aburaam Epiron esilipa ŋolo abu Epiron tolimu epupete Ŋiitaiti atemar arae etyae keŋ ŋicekelya a esilipa ŋamiae ŋaomwon, etyae a ekipime a ŋolo agyelanaryata ŋimucurus ŋiboro apaki ŋin.

2 Ŋirw. 15:19

Bu erwosit Pul ŋolo ka Asiriya torem akwap a Ŋisirael. Inak Menaem ŋolo arae erwosit a Isirael ŋitalantae aliput ŋulu a esilipa neni a Pul, ikotere kiŋarakinia Pul iŋes, torubak ipukat.

2 Ŋirw. 18:14

Abu Esekia kiyakiya akirot neni a Senakerib a ŋolo ayai lotaun Lakis tema, “Adyakarit ayoŋ. Ekelipit iyoŋ toboŋo nyikirem ayoŋ. Edaŋidaŋi ayoŋ etacit daadaŋ ŋolo ca ikitubokini iyoŋ ayoŋ.” Abu erwosit ka Asiriya totubok Esekia alemun ŋitalantae ŋamiae ŋauni ŋulu ke esilipa ka ŋitalantae ŋatomoniuni ŋulu ke egolid.

2 Ŋirw. 18:31

Nyiirasi ŋakiro ŋuna ke Esekia, anerae ebala erwosit ŋolo ka Asiriya tojala ejie, potu esila, ikotere torubakis iboiyete alorerya kus, tonyam ŋinituŋanan epiini ka ŋiboboryo keŋ a elope, tomat daŋ ŋakipi a akare keŋ;

Ŋikiru. 31:22

Abu ayoŋ otema apaki ŋina ayakar locan, “idau iyoŋ akiritar ayoŋ aneni kon.” Nai ibu iyoŋ kiira akigworo kaŋ, apaki ŋina akanyara ayoŋ iyoŋ akiŋarakin ayoŋ.

Ŋikiru. 71:20

Ikisiŋolik iyoŋ ayoŋ ŋican ŋulu alalak ŋulu apipilak; ikisimukekini iyoŋ ayoŋ nabo; ikiuryari iyoŋ ayoŋ ikotere nyatwana.

Isa. 17:14

Ani edoli eboŋ bu ekabule atipei, nai ani iwalari akwap, toŋopiyasi ikes. Erae ŋun ŋakiro ŋuna itiyakinosi neni a ŋulu enyasut akwap kosi ka erae ŋuna eryamunete ŋulu aŋatasi ŋiboro kosi.

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

2 Tim. 3:11

ŋakisicaneta ŋuna aryamunit ayoŋ ka ŋican kaŋ. Iyeni iyoŋ daadaŋ ŋuna apotu totakanut neni kaŋ alo Antiokio ka alo Ikonio ta alo Listra, ŋakisicaneta ŋuna aronok nooi ŋuna edaŋidaŋi ayoŋ! Nai abu Ekapolon okoiu ayoŋ aneni kec a daadaŋ.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.