Isa. 33:16 - Ebaibul

¹⁶ Ŋituŋa ŋulu ikote nen ikes eyarete aneni emam ŋican, eiunosi ikes anataaba a ŋina esibit aduketait ŋinajiet, einanakinio ikes akimuj kec ka eyakaunotor ikes ŋakipi a ŋinapaki.

Isa. 33:16 Iomraidhean Croise

1 Ŋirw. 19:6

Toŋoleŋolek iŋes, kiŋolik alodiyete akou keŋ amugati ŋina apeyo a ŋamoru a ŋuna amwanak, ido ayai nen amot a ŋakipi. Kimuj iŋes ka tomat, ido toper nabo.

Ŋikiru. 107:41

Nai abu Ekapolon toiu ŋulu ayakatar akiitanit alocan kec, kiyatak ŋituŋa a ŋikalya kec, tolalata ikwa ŋisipanin a ŋamesekin.

Ŋikiru. 111:5

Einanakini akimuj neni a ŋulu itopoloorito iŋes; etamunit iŋes jik acamunet keŋ.

Ŋikiru. 15:1

Okoe Akuj, ŋae erubakini iboi alo Kai kon? Ŋae epedori akiboi alomukura kon a ŋolo asegan?

Ŋikiru. 18:33

Abu Akuj okoinak ayoŋ apiranu lopite ŋolo epirania atili, ido abu ekewuak ayoŋ lomukura oiun a nen.

Ŋikiru. 33:18

Kire jik, ite Ekapolon ŋulu itopoloorito iŋes, ite Ekapolon ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 34:10

Epedori akoro akinyam ŋiŋatunyo aŋuna icanatar ibore ŋini nyamat, nai ikes ŋulu itopoloorito Ekapolon, mam ibore ŋini ajokan ŋini icanasi.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋikiru. 62:7

Erae neni ka Akuj aiuno aiuno ka apolou; iŋes aupal kaŋ ŋina agogoŋon, iŋes akaiunan kaŋ.

Ŋikiru. 90:1

Ekapolon, irae iyoŋ neni iboiyere isua ŋinapei ananyameta a daadaŋ.

Ŋikiru. 91:14

Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

Ŋakit. 1:33

Nai ikes ŋulu ekeirarete ayoŋ, eruwor ŋulu eiuna; iboiyete eiuna emam ibore einakinit ikes akuryanu.”

Ŋakit. 10:9

Eyari ituŋanan ŋini iyookino erae ŋini eiuna, nai ituŋanan ŋini itiyae ŋuna nyiyookino, eripunio.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 30:20

Tari kikiinak Ekapolon iyes ŋimoe ka ŋican, nyeŋopiyari Eketataman kus nabo, nai iŋolikinete iyes Eketataman kus.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 58:14

ŋun nai ilelyaniata iyes aneni a Ekapolon, ido eketopoloori ayoŋ iyes akilo ŋituŋa daadaŋ anakwap, akainakini ayoŋ iyes ŋarereŋisyo a papaa kus a Yakob. Adau Ekapolon alimun ŋakiro ŋun.

Yer. 37:21

Aŋun, abu erwosit Sedekia tolimu atemar yae Yeremia nalapatu ŋina eboiyoto ŋasigarya ŋuna iyokiyete akai a erwosit ka aponi a ŋinakoloŋit inakinae iŋes amugati ŋina ayaununuyo alorot a ŋolo aya ŋikepok ŋamugati, akitodol neni adaunotor ŋamugati alotaun. Aŋun, abu Yeremia kiboi analapatu a ŋina eboiyoto ŋiketeok akai a apukan.

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Abak. 3:19

Ekapolon Akuj iŋes erae agogoŋu kaŋ; ekesitori ayoŋ neni nyawanar, ekeuryari nyekegukis ŋamoru alokamukumukui akeri. Egiritae ŋakiro ŋun neni a ŋolo apolokinit ŋiboro ŋulu eeore ŋulu eya ŋaunoi.

Mat. 6:11

Inakinae isua nakoloŋit na akosikimuj ŋina a jwi jwi;

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.