Isa. 33:15 - Ebaibul

¹⁵ Ŋulu itiyaete ŋuna iyookino kirworos ŋakiro ŋuna a kire ŋulu nyejoikinit aryamun ibore anademun ŋuluce ŋiboro kec, ŋulu eŋerito akijaunun ŋakaluŋuluŋui, ŋulu nyecamito akiirar ŋakiro ŋuna earere ŋuluce ka ŋulu nyecamito akitere ŋuna aronok.

Isa. 33:15 Iomraidhean Croise

Yob 31:7

“Ani kaoliyorit ayoŋ alorot a ŋolo iyookino ka kewuapit ayoŋ alotau kaŋ ŋuna eŋolikini, ido kidoŋit emacar ka aronis a ŋina etiyat ayoŋ nakan kaŋ;

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 119:37

Nyikimyek ayoŋ amitakinit ŋiboro ŋulu erae ŋikoŋinae; inakinae ayoŋ akiyar anakiwuapit akirot kon.

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Ŋakit. 1:10

Ikaakoku, anikikicocoiyasi iyoŋ ŋikasecak, nyicamu ŋakiro kec.

Ŋakit. 1:15

Ikaakoku nyicamu akitiya ŋuna itiyaete ikes, nyimyaanakini ŋirotin ŋulu itorito ikes,

Ŋakit. 10:9

Eyari ituŋanan ŋini iyookino erae ŋini eiuna, nai ituŋanan ŋini itiyae ŋuna nyiyookino, eripunio.

Ŋakit. 15:27

Epedori ituŋanan ŋini erorokana ayaun ŋican lotuŋa a ekal keŋ, nai eyari ituŋanan ŋini nyecamit ŋakaluŋuluŋui.

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Isa. 58:8

Kitiyata iyes ŋun, ijokyata iyes ikwa akoloŋ elomuni taparacu ka ikitaŋaleunio iyes atipei, ido ikiŋarenikini iyes akiyookino kus, ikiyoki apolou a Ekapolon iyes alokaku.

Esek. 22:13

“‘Kiirasi, ebapibapakini ayoŋ ŋakan kaŋ aŋuna iryamununiata iyes ŋiboro alopite a ŋolo nyiyookino ka aŋuna iaryata iyes ŋituŋa ŋuluce alokidiŋ kus.

Mal. 2:6

“Abu ayoŋ etatam iŋes ŋakiro ŋuna iyookino, abu ayoŋ eboiyoto ka iŋes a ekisil ka akiyookino, ido abu iŋes kibeleu ŋikalalak anasecit.

Ekim. 16:15

Abu nai Moses toŋo nooi, ido tema neni ke Ekapolon, “Nyicamu ŋainakineta kec. Mam nyeyaa ayoŋ aneni kec tari ŋolo arae esigirya epei daŋ ka nyewana ayoŋ idio alokidiŋ kec.”

Mat. 26:15

kiŋit ikes tema, “Nyo ikiinakinete iyes ayoŋ, erae kepotu ayoŋ iŋes neni kus?” Tocamut ikes akitac iŋes a ŋisilipae a ŋatomoniuni.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

1 Yoa. 3:7

Ŋidwe kaŋ! Tocoito nyikimodik iyes idiotuŋanan! Ituŋanan ŋini itiyae ŋuna iyookino, iŋes iyookino ikwapei Kristo ŋolo iyookino.

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”