Isa. 33:14 - Ebaibul

¹⁴ Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 33:14 Iomraidhean Croise

Yob 18:11

Eyakasi ŋiboorei ŋulu etukuryanak ikes lowaetin kec daadaŋ, itekerete ŋiboorei ŋul ikes nyetapanakin ŋatotiny kwap.

Ŋikiru. 11:6

Ecakakini iŋes neni a ŋulu aronok ŋatotol ŋuna eriraete ka ibore ŋini erirae ŋini enyaritae Sulpa. Isicani Ekapolon ikes a ekuwuam a ŋolo amwanan pe;

Ŋikiru. 21:9

Ani edoli apaki ŋina itakanunia iyoŋ, imunyari iyoŋ ikes ka akim a ŋina amwanan pe; imunyari iyoŋ ikes aŋuna iŋoitor, imunyari iyoŋ ikes ka akim.

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Ŋakit. 28:1

Eosunit ituŋanan ŋini aronon tari kemam ituŋanan iwarit akikamun iŋes, nai etitiny ituŋanan ŋini iyookino lopite ŋolo etitinyo eŋatuny.

Isa. 1:28

Nai emunyaryo ŋikaŋerok ka ŋikasecak kaapei, ido etwakete ŋulu aesikis Ekapolon.

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 29:6

ebuni Ekapolon ŋolo a ŋajoresyo akipeyokin iyes, ebuni iŋes ka agiro ka amaran ŋina ka akwap ta etoil ŋolo apolon nooi, ebuni iŋes a ekuwuam a ŋolo ipiripiri ka ŋolo aryenyaanan ta akim ŋina enomiyari akwap.

Isa. 32:11

Iyes ŋaberu ŋuna iboiyete emam ŋace, tomarana, tomarana, iyes ŋaberu ŋuna idelasi tolacas, toruwor ŋuna ilerete, tonapa ŋiguniyae anacirin kus.

Isa. 34:9

Ituruworyo ŋayona a Edom ŋuna ileleba ibore ŋini ikwaan ka ŋatotol, ituruworyo ŋalup a Edom ŋuna eriraete ikwa ibore ŋini enyaritae Sulupa; eriraunete ŋalup a Edom ikwa ŋatotol ŋuna enokete. Enoki akim a nen nakwaare ka naparan, nyepedoryo akituduŋere, eremi apuru keŋ kidiama ŋikaru ka ŋikaru.

Isa. 47:14

“Topupokisi, ikwaan ikes ka ŋanya ŋuna eokito, enomiyari akim ikes; nyepedorete ikes alakun make anagogoŋu a ŋina ka arira. Meere ŋatotol a akim a ŋin ŋuna iwuaŋaror ituŋanan idio, meere akim ŋin ŋina epedori ituŋanan akiboikin diyete.”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 66:24

Tosodi elomarete ikes kiŋa kiŋolikis ŋawat a ŋituŋa a ŋulu etwakito a ŋulu apotu okoŋero ayoŋ, anerae nyetwakete ŋikur ŋulu enyamete ikes ka nyituduŋeo akim kec, eruworosi nai ikes ŋulu eŋerer alotuŋa a daadaŋ.”

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Isa. 9:17

Ŋakiro ŋun abunio Ekapolon nyisyon ŋisorok kec, kori nyisyonik ŋikokyok ka ŋapesur alotuŋa a ŋul, anerae pa ewuapito ŋituŋa daadaŋ ŋuna ka Akuj ka arae ŋulu etiyaete ŋuna aronok, erworosi ŋituŋa daadaŋ ŋakiro ŋuna ka abaŋao. Tari kitiyakina ŋun, eriŋa Ekapolon eŋoikinit Ŋisirael, eriŋa iŋes erubakinit isicani ikes.

Isa. 9:18

arirae aronis a ŋituŋa a ŋul ekwaan ka akim ŋina enomi amoni a ŋikukwa. Arirae aronis kec esibit akim ŋina enomi amoni ŋina irijija, akim ŋina eremi kidiama kikok apuru keŋ edou.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Amos 9:10

Earyo a ekileŋ ŋikasecak daadaŋ alotuŋa kaŋ, earyo ikes daadaŋ ŋulu irworosi atemar, nyecamakini Akuj ŋican epote neni kec.’ ”

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

Mat. 18:8

“Ani kikitesec iyoŋ akonikan kori akonikeju totubo tocaka. Ejok iyoŋ alomar nakiyar iŋwalit kori icodo, akilo ayakau ka ŋakan ŋaarei kori ŋakejen ŋaarei, ido itocakakin nakim ŋina nyeduŋe.

Mat. 22:12

Kiŋit erwosit iŋes tema, ‘Ekone, ikokini iyoŋ ilomuni nege pa inapit elou ŋolo ke ekiitanu ai?’ Totakin ekile ŋol cek.

Mat. 24:51

Isicani ekapolon iŋes nooi, kimorik ka ŋikaŋisoswae; kigwor aina tokonyanak ŋikyal.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋibur. 12:29

anerae ikwaan Akuj yok ka akim ŋina ikinyamuwari.

Akis. 14:10

ebuni iŋes elope akimat epiini ŋolo ka Akuj; epiini ŋolo ka anyunyura a ŋina ka Akuj, ŋolo abukoki iŋes pa ecaritae lokopo ŋolo ka aŋoit keŋ! Iŋes daadaŋ ŋini itiyae ŋun, isicanio ka akim ka Sulpa alokiŋaren ŋimalaikan ŋulu ka Akuj ka Imesek.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.