Isa. 33:10 - Ebaibul

¹⁰ Irworo Ekapolon ebala, “Anyouni tokona ayoŋ, eketuruworyo tokona ayoŋ Ekapolon, eketopolooryo tokona ayoŋ.

Isa. 33:10 Iomraidhean Croise

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 12:6

Erae ŋakiikineta a Ekapolon ŋakiro ŋuna iyookino, iyookino ikes ikote esilipa ŋolo aliuna ejok; esilipa ŋolo eliitae alokitet ŋarwa ŋuna alalak.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 7:6

Okoe Ekapolon, kitoodiu kare ca aŋoit kon; kitoodiu aŋoit kon aŋuna ka aryenyeo a ŋimoe kaŋ. Okoe Akuj kaŋ, bua kiŋarakinae ayoŋ, totub ŋakiro anakiyookino lopite ŋolo icamitor iyoŋ.

Ŋikiru. 78:65

Tonyou nai Ekapolon esibit ŋinibore kejotoo, tonyou lopite ŋolo enyounio ekajion ŋolo itaŋasete ŋagwe.

Ŋikiru. 94:16

Ŋae abu towo aŋuna kaŋ akitoroniyar ŋulu aronok? Ŋae abu oriwo ka ayoŋ, kitoroniya ŋulu itiyaete aronis?

Awos. 14:18

Eyenunete Ŋijipitian atemar arae ayoŋ Ekapolon apaki ŋina eketopolooryata ayoŋ Parao ka ŋagaari keŋ ta ŋikametok ŋaŋolei keŋ.”

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 10:33

Kiirasi, ielielaari Ekapolon ŋolo a ŋajoresyo ŋasigarya ka Asiriya ka apedor keŋ a ŋina apolon nooi. Emunyari Ekapolon ŋikarikok a ŋasigarya ka Asiriya, ituruwori Ekapolon ŋulu eturok ŋulu itiditeuna bon.

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Isa. 2:21

Elomarete ŋituŋa nakabaae a ŋatabab ka naŋici a ŋatabab aŋuna ka anyunyura a Ekapolon ka aŋuna a akica keŋ a ŋina ailiilon apaki ŋina ebunio iŋes akiteryairyakin akwap.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”